EMU HARORO IHANAMONA DALANA | NEGA IBOUDIAI HARORO ḠAUKARA BA MOALELAIA
Emui Baibul Stiuden Iboudiai Ba Durudia Lauma Dalana ai Sibodia Bae Heubu
Baibul stiuden na Iehova bae dibaia bona lo Kristen taudia ai baela totona, namona na dia ta hadibadiamu hereva momokanidia mo bae diba, to ḡau ma haida danu. (Mt 5:3; Heb 5:12–6:2) Namona na lauma dalana ai sibodia bae heubu dalana bae dibaia.
Matamana amo edia Baibul stadi bae heḡaeḡaelaia dalana ba haheitalaia, bona ba hagoadaia unu baine kara toma. (mwb18.03 rau 8) Ba hagoadaia sibona ena stadi ta ta do se heḡaeḡaelaia neganai baine ḡuriḡuri guna. Ena stadi totona research tulu idauidau iḡaukaralaidia dalana ba hadibaia. Hanaihanai jw.org bona JW Broadcasting® ai e atomu ḡau matamatadia baine ita dalana ba hadibalaia. Taina ruana ba hadibaia dina ta ta ai Baibul baine duahia, kongrigeisin heboudia totona baine heḡaeḡae, bona ena henanadai haeredia baine hetahulai. Ba durua e dibamu ḡaudia baine lalo dobu.
INA VIDIO EMUI BAIBUL STIUDEN IBOUDIAI BA DURUDIA LAUMA DALANA AI SIBODIA BAE HEUBU BA ITAIA, BENA INI HENANADAI BA HAERELAIDIA:
Edena dalai Neeta ese Jade e durua bena e laloparara stadi na dia haere mo ba davari karana?
Dahaka ese Jade e durua e laloparara Iehova ese matabodaḡa karana e taravatua na maoro?
Emu stiuden ba hadibaia heduru herevadia be edeseniai baine davari diba bona ede baine ḡaukaralai toma
Jade ese lalo dobu karana ai dahaka e lalopararalaia?