Emui Baibul Stiuden Ba Durudia Iehova Turana Korikorina ai Baela

Iehova na e uramu ia baita hesiai henia badina Ia na ta lalokau heniamu. (Mt 22:37, 38) Dirava ilalokau henina karana ese eda Baibul stiuden be durudiamu edia mauri be haidaumu bona hahetoho negadiai be gini aukamu. (1Io 5:3) Dirava be lalokau heniamu neganai, una ese be hagoadadiamu bapatiso bae abi totona.

Emui stiuden ba durudia bae diba Dirava ese idia na e lalokau henidiamu. Ini henanadai ba heni diba: “Ina ese Iehova enai oi be dahaka e hadibamumu?” eiava “Edena dalai ina ese Dirava ena lalokau oiemu ai e hahedinaraiamu?” Ba durudia bena Iehova ese edia mauri ai idia e durudiamu dalana bae itaia. (2Si 16:9) Iehova ese emu ḡuriḡuri e haerelai daladia na ienai ba herevalai diba, bona ba hagoadadia Iehova ese edia ḡuriḡuri e haerelaimu daladia na bae ita. Ta moalemu bema ta itaiamu Baibul stiuden ese Iehova e lalokau heniamu bona e uramu ia turana ai bainela.

INA VIDIO BA ITAIA, EMUI BAIBUL STIUDEN IBOUDIAI BA DURUDIA IEHOVA TURANA KORIKORINA AI BAELA, BENA INI HENANADAI BA HAERELAIDIA:

• 

  Jade be dahaka hahetoho e davari?

• 

  Neeta ese Jade be ede e durua toma?

• 

  Edena dalai Jade ese una hahetoho e hanaia?