Eski l’unité dan le monde li possible?

ESKI nou lé-monde pré pou trouve la paix ou-soit eski li dan bord enn catastrophe? Li parette ki ena bann argument bien solide dan toulé-deux coté.

Enn coté, certain dirigeant dan sa lé-monde-la dire avek confiance ki li possible pou ena la paix mondial, kitfois parski si pa reussi ena la paix, sa faire dimoune trop peur pou maziné dan ki situation le monde pou été. Lot coté, beaucoup peur kan pose bann question couma par exemple: Ki bann nation ki ena zarme ki kapav faire grand-grand destruction? Eski sa bann nation-la pou osé servi sa bann zarme-la? Ki pou arrivé si zot faire sa?

L’histoire montré ki depuis longtemps, rivalité ek prejugé finn empeche bann dimoune ena kit l’espoir pou l’unité. En plus religion inn souvent vide petrole dan difé au lieu zot elimine rivalité ek prejugé. James Haught, enn journaliste ecrire: “N’importe ki kitsoz ki crée division parmi bann dimoune, kapav faire zot vinn bann l’ennemi, ek religion, li enn parmi bann pli grand raison kifer ena division parmi bann dimoune. Mem si en general bann dimoune croire ki religion faire bann dimoune vinn ‘bon,’ li clair ki li faire certain dimoune agir avek la haine.” Steven Weinberg aussi pense pareil. Li dire: “C’est zis religion ki kapav pousse bann dimoune ki normalement faire seki bon, pou faire seki pa bon.”

Eski ena kit l’espoir ki enn jour pou ena l’unité dan le monde? Oui! Mais, couma nou pou trouvé, c’est pa bann dimoune ni bann religion ki bann dimoune inn inventé, ki pou kapav amenn sa l’unité-la.

[L’encadré page 3]

Eski le monde li couma enn grenade ki pré pou eclaté?