REPONSE POU BANN QUESTION BIBLIK
Couma Bondié appelé?
Tou bann membre nou famille ena enn nom. Mem nou bann zanimo ena enn nom! Eski li pa logik pou dire ki Bondié ena enn nom? Dan la Bible, Bondié ena beaucoup titre, couma Bondié Tout-Puissant, Souverain Seigneur, ek Createur, mais Li ena aussi enn nom personnel.—Lire Isaïe 42:8.
Dan beaucoup traduction la Bible ena nom Bondié dan Psaume 83:18. Par exemple, dan Les Saintes Écritures — Traduction du monde nouveau, sa verset-la dire: “Toi, ki appel Jéhovah, to tousel Pli Grand lor la terre entier.”
Kifer nou bizin servi nom Bondié?
Kan nou koz avek bann dimoune ki nou content, par exemple nou bann bon camarade, nou appel zot par zot nom
Bondié envie ki nou servi so nom. Kan nou koz avek bann dimoune ki nou content, par exemple nou bann bon camarade, nou appel zot par zot nom. Eski nou pa bizin faire pareil kan nou koz avek Bondié? En plus, Jésus Christ ti encourage nou pou servi nom Bondié.—Lire Matthieu 6:9; Jean 17:26.
Selman, pou vinn camarade Bondié, li pa assez ki nou zis konn so nom, nou bizin konn plus lor Li. Par exemple, couma Bondié été? Eski vrai-mem nou kapav vinn proche ar Li? Ou pou gagne reponse sa bann question-la dan la Bible.