“Kot Sa Mo Kapav Truv Letan?”
1 Ala kuma nu tu, nu pleyne zordi parski nu lavi ranpli avek buku kitsoz ki nu ena pu fer. Dapre seki enn kikenn ti dir, letan li enn parmi nu bann dibyin ki ena plis valer ek ki fini pli vit. Alor, kot sa nu kapav truv letan pu bann kitsoz ki vremem inportan, kuma par egzanp lir ek etidye Parol Bondye?—Fil. 1:10.
2 Pa kan nu pu sey truv plis letan ki nu pu reysi vremem, me kan nu deside seki nu anvi fer dan letan ki nu ena. Nu tu nu ena 168 ertan dan enn semenn, ladan kitfwa 100 ertan nu dormi ek nu travay. Alor, kuma eski nu kapav servi pli byin bann lertan ki reste? Efezyin 5:15-17 ankuraz nu pu ‘pa mars kuma bann dimunn ki pena sazes me kuma bann dimunn ki saz, ek pu reaste letan favorab . . . , ek kontiyn konpran ki vedir volonte Zeova.’ Sa montre ki nu bizin profit tu lokazyon pu fer bann kitsoz ki Zeova dir neseser.
3 Zezi finn konpar nu lepok ar lepok Noe. (Lik 17:26, 27) Bann dimunn sa lepok la ti okipe avek zot bann zafer ki zot ti pe fer tulezur. Me Noe li, li ti truv letan pu ranz enn gran lars ek pu prese. (Ebre 11:7; 2 Pyer 2:5) Kuma eski Noe ek so fami finn truv sa letan la? Abe, zot ti met Bondye an premye dan zot lavi ek zot ti fer tu kitsoz “egzak pu egzak,” kuma Li ti demann zot.—Zen. 6:22.
4 Ki Bizin Pas an Premye? Zezi finn dir: “Enn zom bizin viv, pa zis avek dipin, me avek tu parol ki sorti dan labus Zeova.” (Mat. 4:4) Tulesemenn, nu gayn enn bon “kantite manze [spirityel] dan ler ki bizin.” (Lik 12:42) Pu nu tir byin profi, nu bizin ena enn program lektir ek letid personel regilye, ki pu ed nu pu fer tu seki nu aprann, rant byin dan nu lespri ek nu leker. Nu rekonesans pu sa nuritir spirityel la pu fer nu pa konsider sa manze la kuma enn fast food, kuma par egzanp enn manze ki nu manze vit-vit lor simin. Olye sa, nu rekonesans pu pus nu pu pran letan pu etidye ek apresye bann kitsoz spirityel.
5 Si nu nuri nu lor plan spirityel, nu kapav gayn lavi pu tuletan. (Zan 17:3) Li merit premye plas dan nu program tulezur. Eski nu kapav truv letan pu lir Labib tulezur ek pu prepar bann reynion Kretyin? Wi, nu kapav. Si nu fer sa, nu pu gayn “enn gran rekonpans” pwiski nu konn Bondye ek nu fer so volonte.—Psom 19:7-11.