Bann Modele Presentation
Pou Commence Bann Letid la Bible Premier Samedi dan Mois Juillet
“La plupart dimoune dan nou l’endroit ti pou content vive pli longtemps ek heureux. A cause sa nou ti pou content koné ki ou pensé lor sa question-la: ‘Eski la science ek la medecine pou kapav faire nou vive pou touletan enn jour?’ [Laisse dimoune-la reponn.] Guette seki li dire ici.” Montré lartik ki ena lor dernier page La Tour de Garde 1er Juillet, en Français, ek examine premier question ek au moins enn bann verset ki’nn cité. Offert li bann periodik, ek faire bann l’arrangement pou retourné pou examine prochain question.
Note: Bizin faire sa demonstration-la pendant reunion predication ki pou ena 6 Juillet.
La Tour de Garde 1er Juillet
“Parmi bann dimoune ki nou’nn zwenn, beaucoup finn dire nou ki zot ena zot prop religion. Mais lezot finn dire ki zot nepli faire religion confiance. Ki ou pensé lor religion ou? [Laisse dimoune-la reponn.] Jésus inn donne enn principe ki aide nou pou koné si enn religion pé faire seki bon ou-soit non. [Lire Luc 6:44a.] Sa magazine-la koz lor certain mauvais fruit ki bann religion inn produire. Li aussi reponn sa question-la: ‘Eski ena enn religion ki merite gagne nou confiance?’”
Réveillez-vous! Juillet
“Nou pé visite bann dimoune pou koz lor enn probleme ki decourage beaucoup parmi nou—l’injustice. Certain dimoune, pou montré ki zot pa content l’injustice faire bann protestation. Eski ou pensé ki bann dimoune ki faire bann protestation reussi amenn bann changement? [Laisse dimoune-la reponn.] Guetté dapré la Bible seki vrai-mem pou amenn enn changement lor later. [Lire Matthieu 6:9, 10.] Sa magazine-la reponn sa question-la: ‘Eski c’est protestation ki pou reglé nou bann probleme?’”
Enn bon nouvelle ki sorti kot Bondié!
“Nou pé visite bann famille pou partage enn pensé encourageant ki ena dan la Bible. Beaucoup dimoune avek ki nou’nn kozé demann zot-mem kifer Bondié laisse dimoune souffert sa quantité-la. Dapré ou, kan Bondié ti crée later au commencement, eski Li ti envie ki bann dimoune souffert?” Laisse dimoune-la reponn. Apré, montré li leson 5, ek examine deux premier paragraphe ek bann verset ki en italik. Donne li brochure-la, ek faire l’arrangement pou retourné pou examine prochain question ki’nn ecrire en foncé.