Later “Inn Aval Larivier”

Listwar montre ki bann lotorite finn ed pep Zeova dan diferan lepok. (Esr 6:1-12; Es 8:10-13) Mem dan nou lepok, nou finn trouv “later,” setadir bann dimounn ouswa bann group bien pwisan dan lemond ki pli rezonab, aval “larivier” persekision ki “dragon,” Satan Lediab, souleve. (Rev 12:16) Parfwa Zeova, “Bondie ki donn delivrans,” pous bann dirizan imin pou donn enn soulazman so pep.​—Ps 68:20; Pr 21:1.

Me ki arive si to dan prizon akoz to lafwa? To kapav sir ki Zeova pe vey lor twa. (Ze 39:21-23; Ps 105:17-20) To kapav sir ki Zeova pou rekonpans twa pou to lafwa ek ki to lintegrite ankouraz bann frer ek ser dan lemond antie.​—Fil 1:12-14; Rev 2:10.

GET VIDEO NOS FRÈRES CORÉENS : LIBÉRÉS DE PRISON, EK APRE SA REPONN SA BANN KESTION-LA:

• Kifer pandan plizir lane bann milye frer dan Corée du Sud ti al dan prizon?

• Ki bann desizion ki lakour ti pran inn permet sertin nou bann frer libere pli boner?

• Kouma nou kapav ed nou bann frer dan lemond antie ki ankor dan prizon akoz zot lafwa?

• Kouma nou bizin servi liberte ki nou ena?

• Gras-a kisannla ki nou gagn bann viktwar devan bann lakour?