NOU LAVI KRETIEN

Pa Bliye Priye pou Bann Kretien Ki Pe Gagn Persekision

Labib ti profetize ki Satan pou persekit nou avek lobzektif pou aret nou travay predikasion. (Zn 15:20; Rev 12:17) Kouma nou kapav ed nou bann konpagnon Kretien ki pe gagn persekision dan lezot pei? Nou kapav priye pou zot. “Lapriyer enn dimoun ki zis, li ena enn pwisans e li efikas.”—Zak 5:16.

Enn gard pe amenn enn frer, ki so lame dan menot, dan prizon; enn group frer ek ser; enn frer pe priye

Pou ki kitsoz nou kapav priye? Nou kapav demann Zeova donn nou bann frer ek ser kouraz ek ed zot pou pa gagn per. (Iz 41:10-13) Nou kapav priye osi pou ki bann lotorite aksepte ki nou fer nou travay predikasion, pou ki nou kontign viv dan “lape ek trankilite.”—1Ti 2:1, 2.

Kan Pol ek Pier ti gagn persekision, bann Kretien premie siek ti priye pou zot ek ti mansionn zot nom dan lapriyer. (Zis 12:5, NW; Rom 15:30, 31) Zordi, kitfwa nou pa konn nom tou bann ki pe gagn persekision. Me eski dan nou lapriyer nou kapav mansionn nom zot kongregasion, zot pei, ouswa rezion kot zot reste?

Ekrir nom bann pei kot bann Kretien pe gagn persekision, ek ki to anvi mansione dan to lapriyer.