5. Eski Soufrans Pou Disparet enn Zour?

Kifer Repons sa Kestion-la Inportan?

Si ena bann bon rezon pou krwar ki enn zour soufrans pou disparet, sa lesperans-la kapav amelior fason ki nou konsider lavi ek mem fason ki nou konsider Bondie.

Reflesi lor La

Boukou dimounn ti pou kontan tir soufrans, me zot pa kapav fer gran kitsoz. Nou gete kifer:

Mem si ena bann progre dan medsinn . . .

• Boukou dimounn mor akoz malad leker.

• Sak lane bann milyon dimounn mor ar kanser.

• Dan zournal Frontiers in Immunology Dr. David Bloom ti ekrir: “Lemond pe fer fas ar bann maladi kontazie ki ti deza existe depi lontan, ar bann nouvo maladi, ek ar bann maladi ki pe re-aparet.”

Mem si dan sertin pei ena boukou kas . . .

• Sak lane, bann milyon zanfan pe mor, ek sa arive sirtou dan bann landrwa kot ena bann dimounn mizer.

• Bann milye dimounn pe viv dan bann landrwa kot pena enn bon lizienn.

• Plizir santenn milyon dimounn pa gagn akse ar delo prop.

Mem si azordi, bann dimounn konn pli bien kouma zot bizin tret sakenn zot kamarad . . .

• Dan boukou pei bann tranzaksion kot vann bann dimounn pe kontigne, ek pa’nn pran okenn aksion legal kont bann ki koupab. Dapre rapor Nations unies, sa arive parski swa bann lotorite pa kone ki pe pase, swa parski zot pa bien ekipe pou pran bann aksion legal kont sa bann dimounn-la.

  APRANN PLIS

  Get video Ki Ete Rwayom Bondie? ki disponib lor jw.org/mfe.

Seki Labib Dir

Bondie gagn nou traka.

Sa fer so leker fer mal kan Li trouv nou dan lapenn ek pe soufer.

“[Bondie] pa abandonn ni mepriz bann malere; zame li pa bliye zot douler. Li pa detourn so regar, li toultan reponn lapel dimoun pov ki dimann led.”​—PSOM 22:24.

“Met tou zot traka lor li, parski li pran zot swin.”​—1 PIER 5:7.

Nou pa pou kontign soufer pou touletan.

Labib promet ki Bondie pou realiz proze ki Li ena pou nou.

“Bondie . . . pou souy tou zot larm. Pa pou ena ni lamor, ni dey, ni lamantasion, ni douler.”​—REVELASION 21:3, 4.

Bondie pou tir tou bann kitsoz ki fer bann dimounn soufer.

Li pou fer sa gras-a so Rwayom, setadir gouvernman Bondie.

“Bondie ki dan lesiel pou etabli enn rwayom ki zame pa pou detrir. Ek sa rwayom-la pa pou vinn pou okenn lot pep. . . . Limem ki pou regne pou touletan.”​—DANIEL 2:44.