Leson 15

Aide lezot pou faire volonté Bondié

Kifer ou bizin koz avek lezot dimoune lor seki ou pé aprann? (1)

Avek kisannla ou kapav partage sa bonne nouvelle-la? (2)

Couma ou conduite kapav influence lezot? (2)

Kan eski ou kapav preché avek lezot membre ou congregation? (3)

1. Ziska l’heure, ou finn aprann beaucoup bon kitsoz dan la Bible. Sa connaissance-la bizin pousse ou pou develop enn personnalité chrétien. (Éphésiens 4:22- 24) Sa connaissance-la bien important pou ki ou kapav gagne la vie eternel. (Jean 17:3) Mais pou ki lezot aussi kapav sapé, zot aussi zot bizin tann sa bon nouvel-la. Tou bann vrai chrétien bizin donne temoignage. Sa li enn l’ordre ki Bondié finn donné.— Romains 10:10; 1 Corinthiens 9:16; 1 Timothée 4:16.

2. Ou kapav commence partage bann bon kitsoz ki ou pé aprann avek bann dimoune ki proche avek ou. Koz lor seki ou pé aprann avek ou famille, ou bann camarade, ou bann camarade lekol ek collegue travail. Kan ou koz avek zot, ou bizin montré ou bon envers zot ek ena patience. (2 Timothée 2: 24, 25) Pa blié ki bann dimoune pli souvent guette conduite enn kikenn plus ki zot ecoute seki li dire. Alors, ou bon conduite kapav faire lezot ecoute ou message.—Matthieu 5:16; 1 Pierre 3:1, 2, 16.

3. Avek le temps, ou pou qualifié pou commence preche avek bann Témoins de Jéhovah dan ou congregation. Sa li enn grand pas dan ou progré. (Matthieu 24:14) Ou pou ressenti enn grand la-joie si ou reussi aide enn kikenn pou vinn enn serviteur Jéhovah ek gagne la vie eternel!—1 Thessaloniciens 2:19, 20.