Rod Bann Ki Dign

1. Zezi montre nou kouma bizin prese,

Ek osi kouma ansegne:

‘Rod tou bann dimounn ki anvi ekoute,

Tou bann ki anvi konn vre Bondie.

Dir bann dimounn bonzour ek swet zot lape,

Si zot dign, zot leker pou touse.

Me si to mesaz zot pa’le ekoute,

Sakouy lapousier lor to lipie.’

2. Bann ki ekout twa, ekout Zezi osi,

Zot finn deside pou sanze.

Zot bon latitid pou fer zot gagn lavi

Ek motiv zot pou servi Bondie.

Si to pa kone ki pou dir, pa gagn per,

Zeova pa pou les twa tousel.

To pou reisi tous bann leker sinser,

Si dan to parol ena disel.