Bann mirak ki pou arrivé bientot

SI OU bizin faire enn l’operation bien compliké, ki ou pou ressenti si ou aprann ki sa docteur-la jamais pa finn faire enn l’operation coumsa avant? Pena doute ki ou pou tracassé. Mais, si ou aprann ki docteur-la li-mem pli grand docteur dan sa domaine-la ek ki li finn deja reussi plusieurs centaine l’operation pareil couma seki ou pou faire. Eski ou pou ena mem sentiment? Eski ou pa pou ena plus l’assurance ki li pou kapav aide ou?

Sa le monde malade dan ki nou pé vive zordi-la bizin faire enn grand “l’operation.” A travers so Parole, la Bible, Jéhovah inn promette ki Li pou faire la terre vinn enn paradis. (2 Pierre 3:13) Mais pou ki sa arrivé, avant tou, bann mauvais dimoune bizin disparette net. (Psaume 37:9-11; Proverbes 2:21, 22) Avant ki la terre vinn enn paradis, bizin tire tou bann condition difficile ki nou trouvé autour nou. Pou bizin vrai-mem enn mirak pou sa arrivé!—Révélation 21:4, 5.

Bann Témoins de Jéhovah croire ki sa bann grand changement-la pré pou arrivé. Kifer? Parski bann mirak ki Jéhovah finn deja faire dan le passé, montré ki Li ena pouvoir pou realise so bann promesse. Compare zis six parmi bann mirak ki mentionné dan la Bible avek bann promesse ki li faire pou l’avenir.

Nou souhaité ki ou contigne aprann seki la Bible dire lor bann promesse ki li faire pou l’avenir. Plus ou la foi grandi, plus ou l’esperance pou vinn solide—l’esperance pou vive dan enn lepok kot ou pou profite personnellement bann mirak ki Jéhovah pou faire.

[L’encadré page 7]

MIRAK:

JÉSUS TI NOURRI PLUSIEURS MILLIER DIMOUNE AVEK DEUX-TROIS DI-PAIN EK POISSON.—MATTHIEU 14:13-21; MARC 8:1-9; JEAN 6:1-14.

PROMESSE:

“La terre li-mem pou vrai-mem donne so recolte; Bondié, nou Bondié, pou beni nou.”—PSAUME 67:6.

SIGNIFICATION POU NOU:

JAMAIS PERSONNE PA POU SOUFFERT A CAUSE LA FAMINE.

MIRAK:

JÉSUS TI FAIRE BANN AVEUGLE TROUVE CLAIR.—MATTHIEU 9:27-31; MARC 8:22-26.

PROMESSE:

“Lizié bann aveugle pou ouvert.”—ISAÏE 35:5.

SIGNIFICATION POU NOU:

TOU BANN AVEUGLE POU TROUVE CLAIR.

MIRAK:

JÉSUS TI GUERI BANN DIMOUNE HANDICAPÉ.—MATTHIEU 11:5, 6; JEAN 5:3-9.

PROMESSE:

“Seki boiteux pou sauté couma enn cerf.”—ISAÏE 35:6.

SIGNIFICATION POU NOU:

PA POU ENA OKENN HANDICAP PHYSIK.

MIRAK:

JÉSUS TI GUERI TOU SORTE QUALITÉ MALADIE.—MARC 1:32-34; LUC 4:40.

PROMESSE:

“Okenn habitant pa pou dire: ‘Mo malade.’”—ISAÏE 33:24.

SIGNIFICATION POU NOU:

TOU BANN MALADIE KI AFFAIBLI NOU POU DISPARETTE. NOU POU ENA ENN LA SANTÉ PARFAIT.

MIRAK:

JÉSUS TI CONTROLE BANN LA FORCE KI ENA DAN LA NATURE.—MATTHIEU 8:23-27; LUC 8:22-25.

PROMESSE:

“Zot pou range bann lakaz ek zot pou reste ladan; ek zot pou plante bann karo raisin ek zot pou mange zot bann fruit. Zot pa pou rinté pou nanyé.”—ISAÏE 65:21, 23.

“To pou loin ar . . . tou seki faire toi peur, parski sa pa pou vinn pré ar toi.”—ISAÏE 54:14.

SIGNIFICATION POU NOU:

BANN CATASTROPHE NATUREL POU DISPARETTE.

MIRAK:

JÉSUS TI RESSUSCITE BANN DIMOUNE MORT.—MATTHIEU 9:18-26; LUC 7:11-17.

PROMESSE:

“Tou seki dan bann tombe souvenir pou . . . sorti.”—JEAN 5:28, 29.

“La mer ti rann so bann mort, la mort ek Hadès ti rann zot bann mort.”—RÉVÉLATION 20:13.

SIGNIFICATION POU NOU:

BANN DIMOUNE KI NOU CONTENT EK KI’NN MORT POU RESSUSCITÉ.