REPONSE POU BANN QUESTION BIBLIK

Kot-sa le Diable sorti?

Bondié pa ti crée le Diable. Au contraire, Bondié ti crée enn ange ki plitar ti vinn le Diable, ki nou appel aussi Satan. Bann parole Jésus montré ki pendant enn temps le Diable ti pé marche dan la verité ek li pa ti ena peché. Alors, au commencement le Diable ti enn ange juste.​—Lire Jean 8:44.

Couma enn ange inn kapav vinn le Diable?

Sa ange ki ti vinn le Diable-la, ti choisir pou oppose-li ar Bondié ek ti pousse premier couple humain pou soutenir li dan so rebellion. C’est coumsa ki li finn faire-li-mem vinn Satan, ki vedir “Opposant.”​—Lire Genèse 3:1-5; Révélation 12:9.

Pareil couma tou lezot creature intelligent ki Bondié ti crée, sa ange ki ti vinn le Diable-la ti ena liberté pou choisir pou faire seki bon ou-soit seki pa bon. Selman, li ti developpe enn desir pou gagne l’adoration. So desir pou gagne la gloire ti pli fort ki so desir pou faire Bondié plaisir.​—Lire Matthieu 4:8, 9; Jacques 1:13, 14.

Couma le Diable finn contigne influence bann dimoune? Eski ou bizin peur li? Ou kapav trouve reponse sa bann question-la dan la Bible.