REPONS POU BANN KESTION BIBLIK
Eski ena plis ki sa dan lavi?
Eski parfwa ou ena linpresion ki lavi tro kourt?
Eski ou’nn deza demann oumem si se samem lavi: kan nou zanfan nou zwe, apre nou grandi, travay, marye, ena enn fami, ek vinn vie? (Zob 14:1, 2) Labib montre ki mem bann dimounn bien saz inn poz zot sa kestion-la.—Lir Ekleziast 2:11.
Kifer nou existe? Pou konn sa, dabor nou bizin demann noumem: Kouma lavi inn koumanse? Kan boukou dimounn inn trouve kouma nou servo ek lezot parti nou lekor inn fer dan enn fason extraordiner, zot inn rekonet ki se enn Kreater bien saz ki’nn fer sa. (Lir Psom 139:14.) Si vremem ena enn Kreater, sirman ena enn rezon kifer Li’nn kree nou! Kan nou konn sa rezon-la, nou lavi pou ena plis sans.
Kifer Bondie inn kree bann dimounn?
Bondie ti beni premie koup ek ti donn zot enn responsabilite bien interesan. Bondie ti anvi ki zot ranpli later avek zot bann zanfan, fer li vinn enn paradi, ek viv pou touletan.—Lir Zenez 1:28, 31.
Malerezman, proze Bondie pa’nn realize deswit parski nou bann premie paran inn rebel kont so lotorite. Me Bondie pa’nn ni abandonn nou ni abandonn so proze. Labib rasir nou ki Li ankor pe travay pou sov bann dimounn fidel ek ki so proze pou later pou realize! Alor Bondie anvi ki ou ena mem pwindevi ki Li lor lavi! (Lir Psom 37:29.) Labib kapav ed ou pou kone kouma personelman ou kapav gagn bann benediksion gras-a proze Bondie.