Kuma pu Prezant Bann Peryodik

La Tour de Garde 15 Okt.

“Ki bizin pu ena enn lemond meyer kot bann dimunn kapav viv pli ere? [Les dimunn la reponn.] Dimunn finn sey tu sort kalite guvernman pu amelyor sityasyon lemond. Me get seki Bondye panse lor sa size la. [Lir Zeremi 10:23.] Sa lartik fer nu dekuver ‘Lakle pu enn Lemond Ere,’ ek li montre kuma sa pu arive byinto.”

Réveillez-vous! 22 Okt.

“Eski u pu dakor ki zordi ena buku plis presyon lor bann dimunn ki zame avan? [Les dimunn la reponn.] Labib ti anons sa. [Lir 2 Timote 3:1.] Buku dimunn truv lavi telman dir ki zot bes lebra. Sa magazinn la donn enn vre lankurazman. Li montre kuma pu konbat dezespwar ek fer lavi vo lapenn viv.”

La Tour de Garde 1 Nov.

Apre ki u finn mansyonn enn nuvel ki finn bulvers bann dimunn, demande: “Kifer eski dimunn fer sa bann kalite move kitsoz la? Nu tu nu bizin kone ki bon ki pabon, me dimunn fer tuzur bann move kitsoz. Kifer? [Apre ki dimunn la fini reponn, lir Revelasyon 12:9.] Sa magazinn la explike kuma pu protez nu mem kan nu prezerv nu konsyans.”

Réveillez-vous! 8 Nov.

“Sirman u dakor ki nu pe viv dan enn lepok kot ena buku vyolans. [Apre ki dimunn la finn reponn, lir 2 Timote 3:3.] Suvan, mem dan fami, ena bann aksyon ‘brit.’ Sa lartik la, ‘Led pu Bann Madam ki Gayn Bate,’ donn enn mesaz lespwar. Kitfwa u konn enn kikenn avek ki u kapav partaz sa mesaz la.”