Avek Ki Lobzektif?
1 Kifer eski nu fer bann letid Labib? Eski zis pu partaz konesans, pu amelyor lavi bann dimunn, uswa pu fer zot lespwar lavenir paret pli kler? Non. Nu lobzektif prinsipal li: fer bann disip Zezi Kris! (Mat. 28:19; Akt 14:21) Ala kifer bann ki etidye ar nu bizin frekant kongregasyon. Zot progre spirityel ena enn rapor direk avek zot lapresyasyon sinser pu lorganizasyon Kretyin.
2 Kuma pu Realiz Sa: Depi kumansman mem, ankuraz etidyan la tuletan pu asiste bann reynion kongregasyon. (Ebre 10:24, 25) Explik li kuma sa bann reynion la pu fer so lafwa vinn pli for, pu ed li fer volonte Bondye, ek pu permet li ena bon frekantasyon avek bann lezot ki anvi, zot usi, donn Zeova laglwar. (Psom 27:13; 32:8; 35:18) Si u mem, u montre lamur ek lapresyasyon pu kongregasyon ek pu bann reynion, sa pu fer li ena plis dezir pu asiste bann reynion.
3 Bann nuvo bizin konpran ki lorganizasyon Zeova li enn fami internasyonal bann frer. Montre zot bann kaset video Les Témoins de Jéhovah : un nom, une organisation ek Our Whole Association of Brothers. Ed zot pu konpran ki dan lemond antye, Zeova pe servi plizir milyon dimunn ki finn angaze ar Li pu fer so volonte. Fer sa bann nuvo la kone ki zot usi, zot invite pu servi Bondye.—Izai 2:2, 3.
4 Li enn gran lazwa pu get enn etidyan Labib vinn enn vre disip Zezi. Sa mem ki nu lobzektif!—3 Zan 4.