Enn Reaksyon Antuzyas!
1 Partu bann fami Kretyin finn montre zot apresyasyon antuzyas pu kaset video Young People Ask—How Can I Make Real Friends? An États-Unis, enn papa ti dir ki apre ki so bann garson finn get sa kaset la zot finn asize avek enn ler reflesi—zot finn konn sa bann sityasyon ki zot finn gete dan sa kaset video la! Enn rapor ki sorti Malawi dir ki bann zenn frer ek ser laba finn reazir parey parski zot konn bann mem presyon ar zot bann kamarad lekol. Enn papa an Allemagne finn dir konsernan sa kaset la: “Mo konsider sa kuma enn repons pu mo bann lapriyer.” Enn zenn tifi finn dir: “Mersi zot finn rapel mwa ki Zeova pran mwa kont.” Enn ansyin dan Nouvelle Zélande ti fer sa remark la: “Sa finn ed enn nu bann adolesan pu return lor semin lavi.” Enn madam finn get kaset la ek li finn dir: “Komye mo ti pu kontan si sak zenn dan laverite ti get sa kaset la ek motive pu fer laverite vinn enn kitsoz personel, pu li!” Fami, kifer eski zot pa reget sa kaset la? Apre, diskit sa bann kestyon la ansam.
2 Lintrodiksyon: Ki ete enn vre kamarad?—Pro. 18:24.
3 Bann Baryer pu Fer Kamarad: Kuma eski u kapav konbat santiman ki lezot finn rezet u? (Fil. 2:4) Kifer eski u bizin pre pu amelyor u personalite, ek kisannla kapav ed u pu fer sa? Ki kitsoz pu donn bann lokazyon pu fer plis kamarad, ek kot sa u kapav truv sa bann kamarad la?—2 Kor. 6:13.
4 Lamitye Avek Bondye: Kuma eski u kapav devlop enn relasyon avek Zeova, ek kifer eski sa vo lapenn? (Psom 34:8) Kisannla ki pli kapav fer u lamitye avek Bondye vinn solid?
5 Bann Move Kalite Kamarad: Kisannla bann move kamarad? (1 Kor. 15:33) Kuma eski bann move kamarad kapav amenn enn kikenn tonbe lor plan spirityel? Ki resi Labib lor Dina anseyn nu?—Zen. 34:1, 2, 7, 19.
6 Enn Dram Modern: Kuma eski Tara ti afekte parski li ti tusel? Kuma eski li ti zistifye ki li kapav frekant bann zenn dan lemond? Ar ki bann danze sa bann kamarad la finn expoz li? Kifer eski so bann paran pa’nn reysi truve dan ki danze li ti ete, me avek ki latitid zot finn ed li pu retruv so lasante spirityel? Kuma eski enn ser pyonye finn montre ki li enn vre kamarad pu Tara? Kifer eski bann Kretyin bizin ekut seki Proverb 13:20 ek Zeremi 17:9 dir? Ki leson inportan Tara finn aprann?
7 Konklizyon: Ki bann leson u’nn aprann dan sa kaset video la? Kuma eski u kapav servi sa pu ed lezot?—Psom 71:17.