Enn cassette ki merite tou nou l’attention
“Sa cassette-la vrai-mem faire ou reflechi!”
“Sa finn touche mo leker!”
“Mo ti envie ploré!”
1 Eski c’est sa ki ou ti ressenti premier fois ou ti guette cassette Les jeunes s’interrogent... Comment se faire de vrais amis ? Sa faire dé-trois l’année, enn jeune frere ti pé gagne bann problem, zis a cause bann camarade ki li ti choisir. A cause zot, finalement li ti nepli interessé avek la verité, ek li ti perdi so relation avek Jéhovah. Apré sa, video cassette Comment se faire de vrais amis ? inn sorti. Li ti ecrire: “Chaque fois ki mo ti guette sa cassette-la, mo ti ploré. Mo ti remercié Jéhovah pou l’aide ki Li’nn donne moi dan bon moment.” Sa video-la finn pousse li pou change so la-vie net ek choisir bann bon camarade. Li dire: “Kan ou guette sa cassette-la ou comprend par ki bann jeune pé passé zordi.” Parent ek jeune, kifer zot pa ré-guette sa cassette-la dan zot prochain l’etude familial? Arrete video-la apré chaque partie ek discute franc lor bann question ki trouve dan bann prochain paragraphe.
2 Introduction: Ki été enn vrai camarade?—Prov. 18:24.
3 Bann barriere ki empeche nou faire camarade: Couma eski ou kapav combatte sentiment ki lezot finn rejette ou? (Phil. 2:4) Kifer eski ou bizin disposé pou ameliore ou personnalité, ek kisannla kapav aide ou pou faire sa? Ki bann l’occasion ou kapav profité pou faire plus camarade, ek kot-sa ou kapav trouve sa bann camarade-la?—2 Cor. 6:13.
4 Nou l’amitié avek Bondié: Couma eski ou kapav vinn proche avek Jéhovah, ek kifer eski sa vaut la peine? (Ps. 34:8) Kisannla ki pli kapav faire ou l’amitié avek Bondié vinn pli solid?
5 Bann mauvais camarade: Kisannla ki bann mauvais frequentation? (1 Cor. 15:33) Couma eski nou bann mauvais camarade kapav faire nou tombé lor plan spirituel? Ki ou’nn aprann lor seki la Bible dire lor Dina?—Gen. 34:1, 2, 7,19.
6 Enn drame modern: Kifer Tara ti senti-li tousel? Ki excuse li’nn servi pou montré ki pena nanyin mauvais kan frequente bann jeune dan le monde? A cause so bann camarade, dan ki piege li ti pou al tombé? Kifer so bann parent pa’nn reussi trouvé dan ki danger li ti été, mais ki l’attitude zot finn adopté pou aide Tara pou retrouve so la-santé spirituel? Couma eski enn soeur pionnier finn montré ki li enn vrai camarade pou Tara? Kifer eski bann chrétien bizin prend compte seki Proverbes 13:20 ek Jérémie 17:9 dire? Ki leson important Tara finn aprann?
7 Conclusion: Ki bann leson ou finn aprann kan ou’nn guette sa video-la? Couma ou kapav servi sa pou aide lezot?—Ps. 71:17.