Kontiyn Tir Profi ar Latur Degard ek Réveillez-vous !
Asterla ki’nn aret labonnman peryodik Latur Degard ek Réveillez-vous !, nu pu bizin fer zefor pu fer sir ki nu, ek bann dimunn avek ki nu prese, pa mank mem enn nimero sa bann peryodik la.
Bann Kopi Personel: Kan u labonnman personel fini, ogmant u komann peryodik ki u deza dan kongregasyon. Bann paran bizin komann ase peryodik pu ki sak manb zot fami gayn so prop kopi. Si u ekrir u non lor u kopi personel, u sir ki u pa pu plas li par erer dan predikasyon. Kan kargezon peryodik rantre, bann frer ki okip sa pu fer manyer ki sak nimero disponib tutswit dan Lasal DiRwayom.
Turne Peryodik: Bann proklamater bizin fer zefor pu kumans enn turne peryodik avek tu bann ki interese ek ki anvi gayn sak nimero. Kan al kit bann peryodik personelman kot bann ki interese, sa pu donn lokazyon swiv zot lintere ek kumans bann letid Labib.—Get Nu Minister DiRwayom, Oktob 1998, paz 8.
Bann Ki Ena Bann Bezwin Spesyal: Si pa kapav fer enn turne peryodik avek enn kikenn ki res dan teritwar kongregasyon me ki interese vremem pu gayn bann peryodik, diskit sa avek Komite Servis Kongregasyon. Si zot aksepte, kapav ranpli enn form labonnman pu dimunn interese la. Kapav servi bann form labonnman (M-1 ek M-101) pu sa.
Nu kapav ena konfyans ki Zeova pu kontiyn beni tu nu zefor pu fer konn so Rwayom atraver Latur Degard ek Réveillez-vous !