Kifer Nu Kontan Toute la communauté de nos frères
Dan sa lemond kot pena lamur la, kuma eski nu kapav kontiyn manifeste enn profon lamur pu nu bann frer spirityel? (1 Pyer 2:17) Kuma eski nu kapav montre lezot ki vre fami internasyonal vremem egziste? (Mat. 23:8) Par mwayin nu kaset video Toute la communauté de nos frères. Li montre bann rezon kifer nu kontan nu kamarad. Gete si u kapav reponn sa bann kestyon la:
(1) Dan ki trwa aktivite nu partisipe parey kuma nu bann frer dan lemond? (2) Kuma eski nu bann frer montre zot determinasyon pu prese (a) dan bann landrwa izole an Alaska, (b) dan bann gran-gran lepor an Europe, ek (c) dan bann gran lafore epe dan Pérou? (3) Ki zuti sirtu efikas pu donn temwaynaz? (4) Kifer fode zame nu panse ki predikasyon li zis enn travay ordiner? (5) Sit bann legzanp kuma bann Temwin Zeova finn rekonfort ek finn sutenir zot bann kamarad dan bann letan difisil—bann tranbleman deter, bann gro siklonn, ek bann lager sivil. (Get bann komanter Takao ki dan Réveillez-vous ! 22 Ut 1995, paz 23 ek komanter Kotoyo ki dan Réveillez-vous ! 22 Oktob 1996 paz 20) (6) Dan ki bann fason pratik nu tu nu kapav montre gran mark ki idantifye nu fraternite Kretyin? (Zan 13:35) (7) Ki valer bann reynion kongregasyon ena pu nu? (8) Kuma lefet ki ena enn Lasal Dirwayom kot kapav reyni, ena enn lefe lor bann ki avan pa ti ena enn lasal? (9) Kuma eski nu bann frer dan l’Europe de l’Est ek an Russie ti sirviv spirityelman kan zot ti anba interdiksyon? (10) Mem asterla, ki zefor extraordiner buku Temwin fer pu asiste bann lasanble, ek kifer? Kuma eski sa finn ankuraz u? (11) Kifer eski u determine pu ador ansam dan linite, pu ed lezot dan bann moman kot zot dan bezwin, ek pu pres fidelman ninport kan ek dan ninport ki fason u kapav? (12) Kifer eski li ti pu bon ena enn kopi personel sa kaset video la ek montre li otan dimunn interese posib?