Les Témoins de Jéhovah : organisés pour proclamer la bonne nouvelle
Pendant plus ki 100 an, bann Témoins de Jéhovah finn organise-zot pou partage la bonne nouvelle. Sa-mem pli grand campagne predication ki finn ena dan le monde. Grace a sa, nou annonce sa bon nouvelle-la dan plus ki cent langue ek dan plus ki 230 pays ek territoire. (Mat. 24:14) Mais kifer bizin faire sa travail-la? Couma eski pé faire sa dan le monde entier? DVD Les Témoins de Jéhovah : organisés pour proclamer la bonne nouvelle reponn sa bann question-la. Li montré nou en detail plusieurs l’aspect sa travail international-la. Apré ki ou finn guette sa DVD-la, reponn bann question ki vini apré.
Couma eski sa DVD-la finn augmente ou reconnaissance pou (1) bann zeffort ki l’organisation Jéhovah pé faire pou preche la bonne nouvelle? (2 Tim. 4:2) (2) bann famille Béthel ki ena dan le monde? (3) formation ki bann surveillant ek bann missionnaire gagné? (2 Tim. 2:2) (4) trouve l’importance pou ki chaque jour nou commence la journée par texte du jour, ek prepare bann reunion chaque semaine? (Actes 17:11) (5) bann bienfait ki nou gagné kan nou assisté bann reunion? (Héb. 10:24, 25) (6) bann benediction ki ou pou gagné kan la terre pou ré-vinn enn paradis? (Is. 11:9) (7) privilege ki ou ena pou participe dan travail recolte ki pé faire zordi?—Jean 4:35.
Sa DVD-la li enn bon zouti. Grace a sa enn dimoune interessé kapav comprend bien couma l’activité bann Témoins de Jéhovah deroulé dan le monde entier. (8) Kan eski li bon ki nou montré nou bann l’etude, nou famille, ek lezot dimoune sa DVD-la? (9) Ki reaction positif ou’nn gagné kan ou’nn montré sa DVD-la?
A mesure ki nou reflechi lor seki Jéhovah pé accompli, nou leker pousse nou pou ena mem sentiment ki David, ki ti dire: “Toi, o Jéhovah mo Bondié, to’nn faire beaucoup kitsoz, oui, bann kitsoz extraordinaire ki to’nn faire ek to bann pensée envers nou; pa kapav compare personne avek toi.” (Ps. 40:5) Anou bien servi sa DVD-la pou aide lezot dimoune pou ena reconnaissance pou Jéhovah ek so l’organisation!