Enn Nouvo Video pou Koumans Bann Letid Labib

Boukou dimounn pou gagn lokazion pou get enn ti video ki apel Kifer Li Bon Etidie Labib? lor jw.org. Nou’nn fer sa video-la pou ankouraz bann dimounn ki interese pou aksepte enn letid Labib gratis. To kapav gagn akse ar sa video-la kan to klik lor “Demann enn letid Labib” anba lor paz lakey (Home) ouswa kan to scan QR (quick response) kod ki inprime lor dernie paz sak nouvo trak. Anou gete kouma nou kapav servi bien sa video-la.

• Kan to pe al fer enn vizit, dir dimounn-la: “Eski mo kapav montre ou enn ti video ki explike kouma ou kapav gagn repons ou bann kestion lor Labib?” Si li dakor, montre li video-la lor to portab, to tablet, ouswa lor so computer.

• Si to pe plas enn bann nouvo trak kan to pe rann temwaniaz informel ouswa pres an piblik, montre dimounn-la QR kod-la ek ankouraz li pou scan li lor so portab ouswa so tablet. Dan boukou lang, si nou scan sa QR kod-la, li amenn nou direk lor nou sit Internet. Alor, avek nou portab ouswa nou tablet nou kapav zwe sa video-la anplas-anplas devan dimounn-la.

• Koz ar to bann koleg, kamarad lekol, paran, ek lezot dimounn ki to kone lor sa video-la, ek propoz zot pou get li. Ouswa to kapav mem avoy zot link video-la par mail ek dir zot get li.

Si nou servi sa nouvo video-la, nou pou kapav koumans plis letid Labib ek ed bann dimounn ki ena “latitid ki bizin pou gagn lavi eternel.”​—Actes 13:48.