Unis grâce à l’enseignement divin—Enn Regar Lor Vre Linite Fraternel

Enn sirveyan sirkonskripsyon ti asiste enn letid Labib ki ti pe fer avek enn madam ki pa ti ankor kumans asiste bann reynion kongregasyon. Li finn invit madam la pu get kaset video Unis grâce à l’enseignement divin. Sa mem semenn la madam la finn asiste enn reynion ek li finn dir ki li ti byin kontan pu la. Kifer eski sa kaset video la donn bann rezilta rapid kumsa? Madam la ti inpresyone par seki sa kaset la finn montre lor linite ki ena enn gran valer ek ki egziste ant bann frer malgre ki zot pe viv dan enn lemond ranpli ar vyolans ek laenn.—Zan 13:35.

Get sa kaset video la pu ki u truv ek u resanti lape ek lamur ki egziste ant bann Temwin Zeova partu lor later. Apre sa medit lor sa bann kestyon la:

(1) Kifer eski “Lanseynman Bondye” ti enn tem ki ti al byin ar bann Lasanble Distrik 1993-94?—Mika 4:2.

(2) Kuma eski bann fami finn tir profi ar lanseynman Labib ki zot ti gayne dan sa bann rasanbleman la? Ki profi u fami finn tire?

(3) Kifer eski li inportan ki Zeova anseyn nu?—Psom 143:10.

(4) Ki kalite difikilte bann frer bizin fer fas pu prepar bann gran lasanble internasyonal?

(5) Kuma eski u finn truv Psom 133:1 ek Matye 5:3 realize dan bann lasanble Kretyin ki u finn asiste?

(6) Ki prev piblik montre ki lanseynman Bondye ena enn gran lefe lor lavi bann dimunn?—Rev. 7:9.

(7) Ki pli gran laful batem zame finn ena avan?

(8) Ki bann parol Mika, Pyer, ek Zezi pe realize parmi bann Temwin Zeova?

(9) Ki kitsoz ki konvink u ki enn fami imin ere ki viv dan linite, li pa zis enn rev?

(10) Kisannla u pu fer get sa kaset video la, ek kifer?

Apre ki enn ser finn get sa kaset video la, li finn fer enn zoli rezime: “Sa kaset video la pu ed mwa pu pans buku mo bann kantite frer ek ser Kretyin ki pe fer zefor pu servi Zeova partu lor later. . . . Wi, nu linite ki nu ena ant nu, li ena vremem enn gran valer!”—Efe. 4:3.