Pli grand campagne predication ki jamais pa finn ena dan le monde!

Pendant plus ki 100 an, bann Témoins de Jéhovah finn organise-zot pou partage la bonne nouvelle. (1 Cor. 9:23) Dan sa pli grand campagne predication ki jamais pa finn ena dan le monde-la, nou annonce sa message-la dan plusieurs centaine langue. Nou annonce sa message-la dan plus ki 230 pays. (Mat. 24:14) Mais kifer sa travail-la necessaire? Ek couma sa pé faire dan le monde entier?

DVD Les Témoins de Jéhovah : organisés pour proclamer la bonne nouvelle reponn sa bann question-la. Li montré nou en detail plusieurs l’aspect sa travail international-la. Pendant ki ou guette sa DVD-la, reflechi lor sa bann question-la: (1) Couma nou l’activité organisé ek dirigé? (2) Couma eski bann Service redaction, Service traduction, Service artistik, ek Service audio/video finn ena enn grand role pou faire lezot konn la bonne nouvelle? (3) Pou ki raison nou imprime ek nou envoye sa quantité publication-la? (Jean 17:3) (4) Ki quantité publication ki imprimé dan enn l’année? (5) Ki resultat nou bann publication ki basé lor la Bible finn gagné? (Héb. 4:12) (6) Ki pé faire pou aide bann aveugle ek bann sourde pou ki zot kapav profite l’enseignement ki ena dan la Bible? (7) Couma nou travail financé? (8) Ki bienfait nou gagné grace a travail ki Service l’information hospitalier, Bureau service, ek Bureau responsable pou bann l’assemblée district pé faire? (9) Ou ki enn Témoin de Jéhovah, couma sa DVD-la finn aide ou pou apprecié plus (a) zeffort ki l’organisation Jéhovah pé faire pou annonce la bonne nouvelle? (b) sa plus ki 100 famille Béthel ki ena dan le monde-la? (c) programme formation ki bann surveillant ek bann missionnaire gagné? (d) l’importance pou commence la journée par texte du jour toulé-jour, ek prepare bann reunion la congregation chaque semaine? (e) bann bienfait ki nou gagné kan nou assisté nou bann reunion? (f) condition ki pou ena lor la terre kan li pou vinn enn paradi? (Is. 11:9) (g) participation ki ou kapav ena dan recolte ki pé faire asterla?—Jean 4:35.

Ki reaction positif sa DVD-la finn ena lor ou bann famille, bann dimoune ki ou koné, ou bann visite ek ou bann etudiant la Bible? Kifer ou pa montré sa DVD-la ek partage la bonne nouvelle avek enn lot dimoune pli vite possible?—Mat. 28:19, 20.