Fixe Bann Lobzektif Spirityel
1 Li pu vremem enn gran privilez pu donn Zeova loner pu tuletan! Pu ki nu kapav fer sa, nu bizin fixe bann lobzektif spirityel ek fer zefor pu reysi realiz zot. Kumsa nu pu byin servi nu lafors. (1 Kor. 9:26) Ki bann lobzektif rezonab u kapav fixe?
2 Letid Labib: Eski u prepar sak reynion? Si wi, eski u pran letan pu fer bann resers ek pu byin reflesi lor seki u etidye? Par egzanp, kan u prepar Letid Latur Degard ek Letid Liv sak semenn, eski u neksuliyn bann repons, ubyin eski u get bann verse Labib ek reflesi lor lexplikasyon ki verse la done? Sak semenn kan u fer u lektir Labib pu Lekol Teokratik, eski u kapav fixe lobzektif pu fer resers lor detrwa pwin? Li vre ki sa kalite resers la pran letan ek sa demann zefor, me si nu fer sa, nu pu gayn buku benediksyon.—Pro. 2:4, 5.
3 Bann Reynion Kongregasyon: Asiste regilyerman tulesink reynion, ala enn lot lobzektif ki nu kapav fixe. Vinn boner pu zwenn nu bann frer ek ser, pu sant kantik kumansman ek fer lapriyer. Tusala fer latmosfer dan kongregasyon vinn pli bon. Sirman, nu bizin fer zefor pu reponn dan sak reynion ek pu amelyor nu bann komanter. Kitfwa u kapav explike ki rapor enn pasaz ki site dan enn paragraf ena avek size ki pe egzamine la. U kapav usi montre ki rapor sa size la ena avek nu lavi tulezur.—Ebre 10:24, 25.
4 Predikasyon: Si nu fixe bann lobzektif, nu pu amelyor nu predikasyon. Eski u finn deside komye letan u pu fer dan predikasyon sak mwa? Ena panse ki li bon kan fer sa. Eski u kapav amelyor u dan sertin domenn predikasyon? Kuma par egzanp predikasyon lakaz-lakaz, fer bann bon vizit, kumans enn letid Labib, uswa anseyn byin dan bann letid Labib.
5 Paran eski u pe ankuraz u zanfan pu fixe bann lobzektif dan servis Zeova? Ed zot pu truve ki fer pyonye, vinn enn misyoner, uswa enn betelit, tusala zot bann bon fason pu montre ki kantite zot rekonesan anver Zeova.—Ekl. 12:1.
6 Kan nu get nu laktivite, nu bizin fixe bann lobzektif spirityel, ek fer zefor pu reysi realiz zot. Kumsa nu pu gayn plis lazwa dan nu servis ek nu pu kapav ankuraz lezot.—Rom. 1:12.