Kuma pu Prezant Bann Peryodik

La Tour de Garde 15 Fev.

“Ena dimunn demann zot si vremem ena enn Bondye ki reel. Lezot dir ki Li egziste me zot santi ki Li lwin ar zot. Eski u’si u’nn remark sa? [Les dimunn la reponn.] Gete kifer li inportan ki nu konn Bondye personelman. [Lir Zan 17:3.] Zisteman, bann premye lartik dan sa magazinn la koz lor la. Mo sir ki u pu truv bann lartik la byin interesan.”

Réveillez-vous! 22 Fev.

“Eski u panse ki Bondye ti ule ki bann dimunn ek bann zanfan sufer parski zot mank manze? [Les dimunn la reponn.] Mo ti pu kontan montre u enn promes byin ankurazan ki truv dan Labib. [Lir Psom 72:16.] Sa Réveillez-vous ! la explik nu kifer bann dimunn mank manze zordi. Ek pli inportan ankor, li koz lor promes ki Bondye finn fer pu tir sa problem la byinto.”

Latur Degard 1 Mars

“Nu ti pu kontan kone ki u panse lor sa pasaz Labib ki byin interesan la. [Lir Matye 5:10.] Dapre u, kuma eski enn dimunn kapav ere alor ki li pe gayn persekisyon? [Les dimunn la reponn.] De premye lartik sa magazinn la koz lor sertin dimunn ki finn gard zot lazwa mem si zot ti pe sufer. Sirman u ti pu byin interese pu kone kuma zot finn fer sa.”

Réveillez-vous! 8 Mars

“Eski u pu dakor ki malgre bann problem ki ena dan lavi, nu tuzur ena bann rezon pu nu ena rekonesans? [Les dimunn la reponn.] Manyer ki nu finn kre, se enn rezon kifer nu bizin ena rekonesans. [Lir Psom 139:14.] Wi nu byin rekonesan ki nu ena bann sans ki permet nu apresye lavi, parey kuma sa Réveillez-vous ! la montre!”