Kuma pu Prezant Bann Peryodik

La Tour de Garde 15 Me

“Tulezur nu tann koz lor vyolans. Eski u panse ki sa bann kalite kondisyon la ti egziste avan? [Les dimunn la reponn.] Remarke seki Labib dir. [Lir Matye 24:37] Dan lepok Noe, bann dimunn ti telman move ki Bondye ti detrir zot tu, eksepte Noe ek so fami. Sa La Tour de Garde la montre nu ki sinifikasyon sa bann levennman la ena pu nu zordi.”

Réveillez-vous! 22 Me

“Zordi, bann maladi ki transmet par bann insek, li enn parmi buku danze ki menas nu lasante. Eski u kone ki ena bann prekosyon ki nu kapav pran pu protez numem? [Les dimunn la reponn.] Sa Réveillez-vous ! la koz lor sa bann prekosyon la. Li koz usi lor promes ki Labib fer, setadir ki pu ena enn lepok kot pu nepli ena maladi.” Lir Izai 33:24 pu termine.

Latur Degard 1 Zin

“Kan bann dimunn tann dir ki bann lorganizasyon saritab pe mal servi bann donasyon, zot demann zotmem si li bon zot donn kas sa bann lorganizasyon la. Purtan ena enn kantite dimunn ki bizin led. Ki kitsoz u panse kapav fer? [Les dimunn la reponn. Apre sa lir Ebre 13:16.] Sa Latur Degard la explik enn fason done ki fer Bondye plezir.”

Réveillez-vous! 8 Zin

“Li paret zordi ki bann dimunn nepli rekonet linportans bann valer moral ek bann bon manyer, parey kuma bann dimunn lontan. Eski u finn remark sa? [Les dimunn la reponn.] Li interesan pu remarke ki Labib ti deza dir ki sa pu arive. [Lir 2 Timote 3”1-5.] Sa Réveillez-vous ! la explike kifer bann valer imin pe sanze ek ki lavenir rezerve.”