Montré Ou Reconnaissance
1 Mem si nou pé vive “enn l’époque critique ek difficile pou supporté,” nou éna beaucoup raisons pou montré nou reconnaissance envers Jéhovah. (2 Tim. 3:1) Enn pli gran raison, c’est parski Li’nn offert so Garçon pou nou. (Jean 3:16) En plus, alors ki éna la famine spirituel dans la fausse religion, nou, nou éna la nourriture spirituel en abondance. (Is. 65:13) Nou forme parti dans enn famille international et nou éna enn privilège exceptionel pou participe dans l’accroissement extraordinaire ki vrai l’adoration pé koné. (Is. 2:3, 4; 60:4-10, 22) Couma eski nou kapav montré nou reconnaissance envers Jéhovah pou bann bénédictions ki Li donne nou en abondance?—Col. 3:15, 17.
2 Enn Service Ki Nou Faire Avec la-Joie ek Avec Tou Nou Léker: Kan li ti pé koz lor bann dons matériel, l’apôtre Paul ti écrire: “Bondié content enn dimoune ki donne avec la-joie.” (2 Cor. 9:7) Sa principe-la applique aussi ar nou service pou Bondié. Nou montré nou reconnaissance envers Jéhovah, par nou l’enthousiasme pou la vérité, nou la-joie dans réunion, nou zèle dans prédication, ek kan nou joyeux pou accompli volonté Bondié.—Ps. 107:21, 22; 119:14; 122:1; Rom. 12:8, 11.
3 Dans le passé, en Israël, pou certains dons ki bann Israélites ti offert, la Loi pa ti précisé exactement ki quantité zot ti bizin donné. Chaque adorateur ti kapav montré so reconnaissance kan li offer ‘d’après bénédiction ki Jéhovah’ inn donne li. (Deut. 16:16, 17) Zordi aussi pareil. Enn léker reconnaissant pou pousse nou pou faire tou séki nou kapav, d’après nou situation, pou prêché ek faire bann disciples. Certain ki travail ek ki al l’école, profite bann vacances pou augmente zot l’activité prédication ou-soit mem pou faire pionnier auxilliaire.
4 Débordé ar Reconaissance: Enn moyen bien important pou exprime nou reconnaissance envers Jéhovah, c’est a travers la prière. (1 Thess. 5:17, 18) Parole Bondié encourage nou pou “débordé ar la foi ek remerciement.” (Col. 2:7) Mem si nou bien occupé ou-soit nou stressé, nou bizin touletan inclure bann paroles remerciement pou Jéhovah dans nou la-prière. (Phil. 4:6) Oui, ki li a travers nou ministère, ou-soit a travers nou la-prière, anou ‘exprime Bondié tou nou remerciement.’—2 Cor. 9:12.