Questions Ki’nn Soulevé

◼ Couma nous kapav gagne bann copies personnel La Tour de Garde ek Réveillez-vous !?

Couma nous koné, depuis inpé le temps finn arrête faire bann abonnements pou La Tour de Garde ek Réveillez-vous !, dans tou langues, ki li bann périodiques ou-soit bann cassettes. Tou bann proclamateurs bizin passe par zot congrégation pou zot gagne bann périodiques, cassettes ek CD. Noté ki bann congrégation bizin passe commande bann périodiques lor cassettes ou-soit CD (format MP3, disponible seulement en Anglais) lor forme Demande pour congrégation : périodiques/ministère du royaume (M-202). Bizin servi mem forme pou passe commande bann publications dans bann langues étrangers ek bann éditions grand format.

Si enn dimoune dans territoire demandé ki enn proclamateur vinn quitte bann périodiques régulièrement kot li, s’il vous plaît, assuré ki dimoune-la gagne so bann périodiques rapidement, de sorte ki li pa manque mem enn numéro. Bann exclus kapav gagne zot bann périodiques ou-soit lézot publications personnel avec bann frères ki occupe publications. Fodé pa nous inclure enn exclu dans nou bann tournées de périodiques.

La filiale pou garde zis l’abonnements bann dimoune avec ki li impossible pou faire enn tournée de périodiques. Si Comité de service de la congrégation accepté enn demande d’abonnement pou enn dimoune ki pa kapav gagne bann magazines dans enn lot façon, secrétaire bizin écrire enn note ki dire ki Comité de Service de la congrégation finn vérifié sa demande-la ek finn approuve li.

Sa veut dire ki fodé pa bann proclamateurs écrire la filiale pou faire demande enn l’abonnement personnel. La filiale pou retourne tou bann demande l’abonnements ki bann proclamateurs ou-soit bann dimoune intéressé faire, dans zot congrégation.