Nouveau Programme l’Assemblée Circonscription
Dans sa “bann lé-temps critique ek difficile pou supporté-[la],” nous bien bizin sagesse Bondié pou contigne gagne faveur Jéhovah. (2 Tim. 3:1) Programme l’assemblée circonscription pou l’année service 2005 pou donne nous bann conseils pratique ek l’encouragement nécessaire. Thème sa l’assemblée-la, c’est “Laisse-Ou Guidé par ‘Sagesse d’en Haut.’”—Jacq. 3:17.
Premier discours en quatre parties sa l’assemblée-la pou développe thème suivant: “Anou Manifesté ‘la Sagesse d’en Haut,’ Dans Nou la-Vie.” Dans sa partie-la, nous pou aprann séki veut dire reste pur, favorise la paix, montré nous raisonnable, ek disposé pou obéir. Après sa, dans so sujet, surveillant circonscription pou examine trois lézot l’aspects sagesse Bondié. Dans dernier discours sa premier journée-la, surveillant district pou montré couma bann ministres Chrétien zot bien équipé pou koz sagesse Bondié, malgré ki le monde considère zot couma bann dimoune “ordinaire ki péna grand l’instruction.”—Actes 4:13.
Deuxième journée l’assemblée, nous pou écoute enn l’autre discours en quatre parties: “Anou Contigne Faire Bann Kitsoz Ki Bâtir Lézot.” Sa partie-la pou faire nous identifié ek rejette bann kitsoz ki kapav affaibli nous lor plan spirituel. Nous pou aprann aussi couma nous kapav bâtir lézot dans réunions, dans prédication ek dans la famille. Discours public, “Couma Sagesse Bondié Donne Nous Bann Bienfaits,” pou faire nous pli apprécié bann bienfaits ki nous gagné kan nous applique bann principes Bondié dans nou la-vie. Discours final, “Kan Nous Prend Compte Sagesse Bondié, Li enn Protection pou Nous,” pou renforci nou détermination pou contigne demann Jéhovah so sagesse, alors ki nous pé vive dans sa bann dernier jours-la.
Bien-sûr, couma dans chaque l’assemblée, discours baptême pou enn moment fort. Finn prévoir aussi l’École du Ministère Théocratique ek l’Étude la Tour de Garde, dans programme sa l’assemblée-la. Jéhovah envie ki nous tou nous profite so sagesse. Oui, bann conseils ek l’encouragement ki nous pou gagné dans nou l’assemblée circonscription, pou certainement enrichi nous lor plan spirituel.—Prov. 3:13-18.