Aide Zot pou Zot Contigne Gagne enn Temoignage
1Kan nou preche la bonne nouvel, souvent nou joinde bann dimoune ki vive dan enn lot territoire ou-soit ki koz enn lot langue, parmi éna aussi langue des signes. Kitfois bann dimoune avek ki nou finn gagne plusieurs bon conversation basé lor la Bible, al reste dan enn lot territoire. Ki nou kapav faire pou ki zot kapav contigne gagne enn temoignage? Kan nou servi forme (S-43) Veuillez suivre l’intérêt.
2 Souvent bann dimoune ecoute pli bien kan zot tann la bonne nouvel dan zot prop langue. (Actes 22:1, 2) Pou sa raison-la, dan la plupart cas kot nou joinde enn kikenn ki koz enn lot langue, nou bizin rempli forme S-43 mem si li pa’nn montré l’interet pou message lor Royaume Bondié. Parkont, si dan sa territoire-la éna deja beaucoup dimoune ki koz enn lot langue ek ki souvent bann Témoins passé, li pa necessaire ki nou rempli enn forme excepté si enn dimoune inn montré l’interet.
3 Couma pou Rempli Sa Forme-La: Avek tact essaye gagne nom, l’adresse, ek numero telephone dimoune-la. Precisé ki quantité dimoune-la interessé, kan kapav joinde li, ki publication ou’nn quitté ou-soit ki publication li’nn demandé, ek ki langage li comprend pli bien. Kan fini rempli forme-la, donne sa secretaire congregation sans tardé, ek ensuite li pou envoye sa la filial kot bann frere pou faire séki necessaire.
4 N’importe kan enn congregation gagne enn forme Veuillez suivre l’intérêt ki’nn fini rempli, bizin prend bann disposition pou al visite sa dimoune-la sans tardé. A mesure ki nou faire zeffort pou faire nou part, nou kapav sur ki Jéhovah pou ouver leker bann ki “bien disposé pou la vie eternel.”—Actes 13:48.