Enn video ki ena enn message bien important

Ki message nou trouvé dan video David: il mettait sa confiance en Dieu? Message-la dire nou ki nou bizin mette nou confiance en Jéhovah, pareil couma David ti faire. (Ps. 91:2) Kan nou guette bann evenement important ki’nn arrivé dan la-vie David, sa pou aide bann zenfant ek bann adulte pou suive so l’exemple. (Ps. 31:14) Pou nou kapav tire plus profit, sa DVD-la ena enn “quiz” ek plusieurs “activité educatif.”

Guette video-la, ek apré demann ou-mem: (1) Kifer Jéhovah ti choisir enn meilleur lé-roi? (1 Sam. 15:10, 11; 16:1) (2) Kifer Li pa ti choisir okenn parmi bann frere David? (1 Sam. 16:6, 7) (3) Kifer Saül ti content kan David ti joué la harpe? (1 Sam. 16:14-23) (4) Kisannla Goliath ti été? (1 Sam. 17:4-10) (5) Kifer David ti envie al la-guerre ar Goliath? (1 Sam. 17:23, 24, 36, 37) (6) Kisannla Yonathân ti été? (1 Sam. 14:1) (7) Kan eski Saül ti vinn pli pire l’ennemi David? (1 Sam. 18:25-29) (8) Kifer David pa ti touye Saül? (1 Sam. 26:7-11) (9) Couma Saül ti mort? (1 Sam. 31:1-6) (10) Couma David ti reagir kan li ti aprann ki Yonathân ti’nn mort? (2 Sam. 1:11, 12) (11) Ki promesse Jéhovah ti faire David? (2 Sam. 7:12, 13, 16) (12) Ki faute grave David ti faire? (2 Sam. 11:1-5, 14-17) (13) Couma David ti montré ki li ti bien regretté seki li ti faire? (Ps. 51) (14) Kan Salomon ti encore jeune, ki bann leson David ti partagé avek li? (1 Rois 2:1-4; 1 Chron. 22:6-13; 28:9, 10) (15) Ki bienfait David, Yonathân, ek ou-mem pou gagné grace a regne Jésus?—Is. 11:6-9; Jean 11:25, 26.

Asterla, reflechi lor-la: Couma eski ou personnellement, ou kapav ena confiance en Bondié pareil couma David?

Parent, faire ou zenfant comprend bien kifer li touletan important pou mette nou confiance en Bondié, pareil couma David ti faire.—Ps. 56:11.