Aide lezot pou beneficié la ranson
Nou pou celebré Mémorial la mort Jésus le 12 avril
1. Cite enn fason ki peuple Bondié montré so reconnaissance pou la ranson.
1 “Nou remercié Bondié pou so don gratuit ki nou pa kapav expliké.” (2 Cor. 9:15) Sa bann parole-la exprime bien seki nou ressenti concernant bonté ek l’amour fidel ki Bondié manifesté envers so peuple a travers so Garson, Jésus Christ. Nou pou surtout montré sa sentiment reconnaissance-la kan nou pou reuni le 12 avril pou celebré Mémorial la mort Jésus.
2. Kisannla ki joinde-zot ensam avek bann Témoins de Jéhovah pou celebré Mémorial, ek ki zot bizin faire pou zot beneficié la ranson?
2 Chaque l’année apepré dix million dimoune joinde-zot ensam avek bann serviteur Jéhovah pou celebré Mémorial. Kan zot faire sa, zot montré enn certaine reconnaissance pou sacrifice Jésus. Mais, pou beneficié la ranson, zot bizin exerce la foi ladan. (Jean 3:16, 36) Couma nou kapav aide zot pou developpe sa qualité la-foi-la? Pendant sa lepok Mémorial-la, nou pou encourage zot pou accepté enn l’etude la Bible ek pou assisté bann reunion ki nou ena toulé-semaine. Anou guette dé-trois suggestion.
3. Couma nou kapav commence enn l’etude kan nou invite enn dimoune pou Mémorial?
3 Bann l’etude la Bible: Kan ou invite bann ki interessé pou Mémorial, kifer ou pa essaye commence enn l’etude dan livre Ki la Bible enseigné? Propose dimoune-la pou explik li celebration Mémorial. Ouvert page 206-8 ek examine partie “Repas nou Seigneur—Enn l’occasion special ki honore Bondié.” Ou kapav examine sa bann renseignement-la dan enn ou deux visite, kitfois mem commence enn l’etude sans ki dimoune-la faire ou rentré. Kan ou’nn fini sa partie-la, li possible ki dimoune-la pou disposé pou examine chapitre 5, “La ranson—Pli grand cadeau ki Bondié finn donné.” Enn fois ki ou’nn fini etabli enn l’etude ki pé faire regulierement, ou kapav retourne dan commencement ek etudié bann premier quatre chapitre.
4. Dan lepok Mémorial, ar kisannla nou kapav commence enn l’etude la Bible?
4 Avek kisannla nou kapav servi sa method-la pou commence enn l’etude? Kitfois certain ou bann collegue travail, bann camarade lekol, ou-soit ou bann voisin pou d’accord pou etudié. Dan la congregation, ena bann soeur ki zot mari pa Témoin. Bann frere kapav propose bann mari-la enn l’etude. Ek pa blié bann membre dan ou prop famille ki pa Témoin. En plus, nou pou envie faire enn zeffort special pou invite bann ki nepli frequente la congregation. (Luc15:3-7) Anou essaye faire tou seki nou kapav pou aide bann dimoune coumsa pou beneficié la ranson.
5. Couma nou kapav encourage bann etudiant la Bible ek bann lezot dimoune ki interessé pou assisté bann reunion?
5 Bann reunion: Premier reunion ki beaucoup l’etude ek lezot dimoune ki interessé, assisté, c’est Mémorial. Mais, couma nou pou encourage zot pou profite bann lezot reunion? Ministère du Royaume avril 2005, page 8, donne nou sa bann suggestion-la: “Faire zot konn titre prochain discours publik. Montré zot lartik ki nou pou etudié dan La Tour de Garde ek seki nou pou faire dan l’etude de livre. Explik zot couma Lekol ministere theocratik ek reunion service deroulé. Kan ou ena enn devoir dan lekol, kitfois ou kapav mem repete li devant zot. Partage bann point important ki finn dire dan bann reunion. Servi bann photo ki ena dan nou bann publication pou aide zot comprend couma bann reunion deroulé. Invite zot pou assisté bann reunion premier jour-mem ou faire l’etude.”
6. Cite deux fason ki nou kapav aide bann ki sincere pou beneficié la ranson.
6 Kan bann dimoune sincere etudié la Bible ek assisté reunion regulierement, souvent zot progressé bien vite. Alors, anou encourage lezot pou beneficié sa bann disposition spirituel-la ek aussi pli grand cadeau ki Bondié inn donne nou—la ranson.