Ki ou pou faire ar ou la-vie?
1 Parfois bann adulte demann bann zenfant: “Ki to envie faire kan to vinn grand?” Kan ou ti enn ti garson, eski ou ti dire ki ou ti envie vinn enn sportif? enn pompier? enn surveillant circonscription? Ou-soit kan ou ti enn tipti tifi, eski ou ti envie vinn enn chanteuse? enn nurse? enn missionnaire? Asterla ki ou finn grandi, ou bizin pose ou-mem enn lot question, ‘Ki mo pou faire ar mo la-vie?’ Eski ou’nn paré pou prend enn decision?
2 Pou aide ou prend pli bon decision possible, l’organisation Jéhovah finn faire enn DVD ki appel Les jeunes s’interrogent. . . Que vais-je faire de ma vie ? S’il vous plait, guette li ek reflechi bien lor tou seki ena ladan, setadir so drame, bann interview, ek bann supplement. Ou pou trouve tou seki ena dan DVD-la dan l’encadré “ Menu principal. ”
3 Drame: Kan ou pé guette drame-la, reflechi lor sa bann question-la: (1) Ki ressemblance ena entre Timothée ki bann l’Écritures grecques chrétiennes kozé, ek André? (Actes 16:1; 1 Tim. 4:8; 2 Tim. 1:5) (2) Couma André ti gagne pression pou vinn pli bon dan sport, ek kisannla ti derriere sa? (3) Kisannla ti ena enn bon l’influence lor Timothée ek lor André pou ki zot faire enn bon choix, ek dan ki fason? (2 Tim. 1:1-4; 3:14, 15) (4) Ki l’effet conseil ki trouve dan Matthieu 6:24 ek Philippiens 3:8 ti ena lor André, ek ki l’effet sa ena lor ou?
4 Bann chapitre: Apré ki ou finn guette drame-la net, ré-guette sa bann scene-la, ek reponn sa bann question-la. “ Paul et Timothée ” : Ki dernier conseil Paul ti donne Timothée? (2 Tim. 4:5) “ Donner à Jéhovah le meilleur ” : Ki bann l’objectif spirituel ou finn fixé? “ Prise de position pour Jéhovah ” : Kot-sa vrai bonheur sorti? “ Le conseil d’une grand-mère ” : Ki pa bon ladan si nou envie vinn enn kikenn ki celebre dan le monde Satan? (Mat. 4:9) “ Aucun regret ” : Pou ki ou kapav gagne satisfaction dan la vie, ki kitsoz ou bizin comprend?—Prov. 10:22.
5 Bann interview: Pendant ki ou guette chaque section, ki ou trouvé ou kapav faire pou donne Jéhovah ou best? (1) “ Se consacrer à des choses vaines ou servir Dieu ? ” (1 Jean 2:17); (2) “ Apprendre à aimer la prédication ” (Ps. 27:14); ek (3) “ Une porte ouverte sur l’activité. ”—Mat. 6:33.
6 Bann souvenir: Eski ou kapav reponn? (1) Ki carriere sa frere-la ek sa soeur-la ti pé rodé, ek kifer? (2) Ziska ki point zot inn reussi? (3) Ki kitsoz finn change sakenn so la-vie? (2 Cor. 5:15) (4) Ki carriere theocratik finn remplace zot ancien carriere, ek kifer zot inn senti ki zot pa pou kapav faire toulé-deux? (5) Eski zot ena kit regret parski zot inn change zot l’objectif dan zot la-vie? (6) Ki kitsoz zot finn dire en particulier ki’nn faire ou reflechi lor seki ou bizin faire dan ou la-vie?
7 Lezot interview: Dan sa bann interview-la, ki ou finn aprann ki kapav aide ou pou faire plus dan service Jéhovah? (1) “ La valeur de l’étude individuelle, ” (2) “ D’autres façons de prêcher, ” (3) “ Le service au Béthel, ” (4) “ Guiléad : la formation au service missionnaire, ” ek (5) “ L’école de formation ministérielle. ”—Guette “ Index de publications traitant des sujets abordés, ” ek lire bann sujet ki interesse ou plus.
8 Alors, eski ou finn decidé ki ou pou faire ar ou la-vie? Paul ti dire Timothée: “Reflechi lor sa bann kitsoz-la; concentré-toi bien ladan, pou ki tou dimoune trouve bien to bann progré.” (1 Tim. 4:15) Nou encourage ou pou faire pareil couma ou finn trouvé ek tendé dan sa DVD-la. Demann Jéhovah pou aide ou prend enn bon decision ki pou donne ou vrai-mem la joie ek satisfaction dan ou la-vie asterla, ek aussi enn l’avenir heureux.
[L’encadré, page 6]
MENU PRINCIPAL
Drame
Chapitres (11 sélections)
Interviews
Démarrer
Sections (3 sélections)
Souvenirs
Suppléments
Autres interviews
Index de publications traitant des sujets abordés
Sous-titres
Texte à l’écran
Malentendants
Aucun
Pou change menu, servi bouton Next ▶, ◀ Back, ek Menu principal.