Presentation periodik
La Tour de Garde 15 août
“Mo ti pou content koné ki ou pensé lor sa verset-la. [Lire Hébreux 3:4.] Eski ou d’accord ki ena enn Createur intelligent ki finn crée l’univers? [Laisse dimoune-la reponn.] Sa magazine-la expliké si croyance dan enn Createur, li en accord avek vrai science.”
Réveillez-vous!® Août
Kan ou joinde enn jeune ou kapav dire: “Beaucoup jeune dan ou l’age finn blessé kan dimoune finn faire palab lor zot pou gate zot reputation. Eski finn deja arrive ou sa? [Laisse dimoune-la reponn.] La Bible donne bann bon conseil pou aide nou si dimoune finn fann bann palab lor nou. Li montré nou aussi couma pou evite dire bann kitsoz coumsa nou-mem.” Montré lartik ki commence lor page 12, ek lire enn text la Bible ki ena dan lartik-la.
La Tour de Garde 1er sept.
“Beaucoup pensé ki ‘Ancient Testament’ donne bann bon renseignement lor l’histoire. Mais zot demann-zot-mem si bann conseil ki ena ladan utile pou nou lepok. Ki ou pensé? [Laisse dimoune-la reponn. Apré lire Romains 15:4.] Sa magazine-la montré couma ‘Ancient Testament’ donne bann bon conseil pou nou la-vie toulé-jour ek donne enn vrai l’espoir pou l’avenir.”
Réveillez-vous!® Sept.
“Eski ou croire ki c’est Bondié ki faire bann catastrophe naturel arrivé? [Laisse dimoune-la reponn. Apré lire Deutéronome 32:4.] Sa magazine-la montré nou kifer Bondié finn permette ki bann catastrophe naturel arrivé. Li montré aussi couma ou kapav protege ou famille.”