Donne enn l’espoir bann pauvre
1 Jésus ti montré enn l’interet special pou bann pauvre. Ti ena bann l’occasion kot li ti faire bann mirak pou aide zot lor plan materiel ek pou gueri bann malade. Mais li ti ena l’objectif principal pou annonce “la bonne nouvelle” avek bann pauvre. (Mat. 11:5) Bann pauvre ek lezot dimoune aussi contigne gagne bann bienfait grace a predication ki nou faire zordi.—Mat. 24:14; 28:19, 20.
2 Enn vrai l’espoir: Bann enseignant la chrétienté souvent promette bann pauvre ki zot pou vinn riche si zot donne l’eglise beaucoup l’argent. Selman, la Bible enseigné ki zis Royaume Bondié ki pou tire la pauvreté ek pou reglé tou bann problem l’humanité. (Ps. 9:18; 145:16; Is. 65:21-23) Kan nou montré bann pauvre seki la Bible enseigné vrai-mem, nou donne zot l’espoir ek aide zot pou gagne seki zot bizin lor plan spirituel.—Mat. 5:3.
3 Bann Pharisien dan lepok Jésus ti tellement meprise bann pauvre ki zot ti appel sa bann pauvre-la bann ‛am ha’arèts, ou-soit “bann ti-dimoune dan pays.” Selman, Jésus ti considere “di-sang” sa bann pauvre-la, ou-soit zot la-vie couma enn kitsoz “ki ena enn grand valeur.” (Ps. 72:13, 14) Nou kapav imite Jésus ek montré consideration envers bann dimoune pauvre kan nou bon avek zot ek kan nou essaye mette-nou dan zot place. (Prov. 14:31) Jamais nou pa pou envie dire bann parole pou rabaisse bann dimoune ki reste dan bann quartier pauvre ou-soit nou hesité pou donne zot temoignage. Beaucoup parmi bann ki pé accepté message lor Royaume Bondié, zot bann dimoune pauvre.
4 Aide bann pauvre asterla: Kan nou enseigne bann dimoune pauvre dan nou territoire bann principe ki ena dan la Bible, sa aide zot aussi pou sorti inpé dan zot la-misere asterla-mem. Par exemple, la Bible condamne boire ziska sou, joué pou l’argent, paresse, fumé, ek lezot pratik ki faire dimoune tombe dan la misere. (Prov. 6:10, 11; 23:21; 2 Cor. 7:1; Éph. 5:5) La Bible encourage dimoune pou vinn honnete ek pou travail ‘avek tou zot nâme,’ ek sa c’est bann qualité ki bann patron souvent rodé parmi bann employé. (Col. 3:22, 23; Héb. 13:18) Li interessant pou noté ki dapré enn sondage, majorité bann patron finn classe l’honneteté ek fidelité dan travail couma bann qualité ki zot plus apprecié kan zot rod bann dimoune pou travail.
5 Jéhovah pa insensible ar souffrance bann dimoune pauvre. Bientot, Jésus Christ pou sauve “sa dimoune misere ki criyé au secours-la.” (Ps. 72:12) Mais, alors ki nou pé attann sa jour-la vini, nou ena grand privilege pou reconforte lezot, parmi ena bann pauvre aussi, grace a message l’espoir ki ena dan la Bible.