Presentation periodik
La Tour de Garde 1er juin
“Eski ou pensé ki Bondié accepté tou fason ki nou adore Li? [Laisse dimoune-la reponn.] Li interessant pou reflechi couma Bondié ti reagir kan bann Israélite dan le passé ti adopté bann pratik religieux ki bann nation autour zot ti pé suive. [Lire Ézékiel 6:6.] Sa lartik-la reponn question ‘Eski fason ki nou adore Bondié li important?’” Montré lartik ki commence lor page 9.
Réveillez-vous! Juin
“Pena doute ki ou pou d’accord ki l’adolescence li enn periode bien difficile pou bann jeune ek pou zot parent aussi. Eski ou pensé ki si bann parent suive sa conseil-la sa kapav aide zot pou vinn bann pli bon parent? [Lire Jacques 1:19. Apré laisse dimoune-la reponn.] Surement ou pou apprecié bann suggestion pratik ki basé lor la Bible ki ena dan sa magazine-la.”
La Tour de Garde 1er juillet
“Nou tou nou finn deja konn sa douleur ki ena kan nou perdi enn kikenn ki nou content dan la mort. Dan bann moment coumsa, eski ou pensé ki la Bible kapav aide nou? [Laisse dimoune-la reponn. Apré lire Psaume 55:22.] Sa magazine-la discute lor certain fason pratik ki trouve dan la Bible pou faire face ar sa chagrin-la.”
Réveillez-vous! Juillet
“Pli allé, bann dimoune marié pé gagne plus pression, ek beaucoup mariage pé fini par enn divorce. Eski ou pensé ki sa conseil-la kapav aide bann couple pou reussi zot mariage? [Lire Proverbes 12:18. Apré laisse dimoune-la reponn.] Sa magazine-la koz lor bann lezot principe ki trouve dan la Bible ki kapav aide bann dimoune marié pou faire zot mariage vinn pli solide.”