Presentation periodik
La Tour de Garde® 1er mars
“Kan enn zenfant perdi la vie, souvent bann dimoune dire: ‘Bondié ti bizin enn ange dan le ciel.’ Eski ou pensé ki Bondié kapav faire enn kitsoz coumsa? [Laisse dimoune-la reponn.] Guette seki la Bible dire lor Bondié. [Lire Job 34:10.] Sa lartik-la donne nou bann argument ki bien reconforte nou ek li montré ki l’avenir extraordinaire Bondié reservé pou bann zenfant ki’nn perdi la vie.” Montré lartik ki trouve lor page 29.
Réveillez-vous! Mars
“Nou tou content pou ena bann bon camarade. Ki qualité ou pli content dan enn camarade? [Laisse dimoune-la reponn.] Guette seki la Bible dire. [Lire Proverbes 17:17.] Sa lartik-la montré couma nou kapav choisir bann bon camarade ek vinn enn bon camarade pou lezot.” Montré lartik ki commence lor page 18.
La Tour de Garde® 1er avril
“[Montré couverture.] C’est enn question ki beaucoup dimoune posé, ki zot croire dan Bondié ou-soit non. Surement ou’nn deja tann dire ki sa li trouve dan la Bible. [Laisse dimoune-la reponn. Apré lire Psaume 37:29.] Sa bann lartik-la koz lor la vie dan le ciel, mais li koz aussi lor l’avenir extraordinaire nou planete.”
Réveillez-vous! Avril
“Ena enn quantité jeune ki bien stressé zordi. Eski ou pensé ki c’est a cause lekol ki zot stressé coumsa? [Laisse dimoune-la reponn.] La Bible depuis longtemps ti dire ki stress li pa bon pou enn dimoune. [Lire Ecclésiaste 7:7.] Sa magazine-la montré ki bann adulte kapav faire pou aide bann jeune.”