Presentation periodik
La Tour de Garde® 1er avril
“Certain livre pretann ki seki la Bible dire concernant la mort Jésus li pa exact. Mais zot dire ki li’nn marié ek ki li’nn gagne bann zenfant. Eski ou finn tann sa? [Laisse dimoune-la reponn.] Li bien important ki nou konn la verité lor Jésus. [Lire Jean 17:3.] Sa lartik-la donne bann raison pou nou mette nou confiance dan seki la Bible dire concernant Jésus.” Montré lartik ki commence lor page 26.
Réveillez-vous! Avril
Lire Psaume 37:9-11. Apré dire: “Dapré ou, couma le monde pou été kan sa promesse-la pou realisé? [Laisse dimoune-la reponn.] Sa lartik-la koz lor sa prophetie encourageant-la ek li expliké kifer nou trouve sa quantité mechanceté-la dan le monde zordi.” Montré lartik ki commence lor page 20.
La Tour de Garde® 1er mai
“Eski ou finn deja demann ou-mem kifer Bondié permette la souffrance? [Laisse dimoune-la reponn.] Remarké ki bann parole enn ecrivain la Bible ti servi pou pose sa question ki beaucoup dimoune finn posé-la. [Lire Psaume 10:1.] Sa magazine-la montré nou kifer, dapré la Bible, Bondié pé permette la souffrance ek ki Li pé faire pou reglé sa.”
Réveillez-vous! Mai
“Beaucoup dimoune ti pou content arrete fumé, mais zot trouve sa bien difficile. Eski ou konn enn kikenn ki ti pou content arreté li aussi? [Laisse dimoune-la reponn.] Certain finn trouve sa utile pou rod l’aide avek zot bann camarade ek zot bann famille. [Lire Ecclésiaste 4:12a.] Sa magazine-la donne bann point pratik pou aide enn dimoune pou arrete fumé.”