Predication donne nou la force
1. Ki bienfait predication faire nou gagné?
1 Kan nou ena enn bon activité dan predication, sa kapav faire nou vinn fort lor plan spirituel ek augmente nou la joie. Bien sur, nou participe dan predication surtout pou faire plaisir Jéhovah. Selman, kan nou obeir commandement pou “preche la parole,” nou gagne benediction Jéhovah ek nou tire profit dan lezot fason encore. (2 Tim. 4:2; Is. 48:17, 18) Mais couma la predication kapav faire nou vinn fort ek faire nou heureux?
2. Dan ki fason nou ministere faire nou vinn pli fort?
2 Nou gagne la force ek benediction: Predication encourage nou pou concentré lor bann benediction ki nou pou gagné ar Royaume Bondié au lieu nou concentré lor bann probleme ki ena azordi. (2 Cor. 4:18) Kan nou explik bann l’enseignement ki ena dan la Bible, nou la foi dan bann promesse Jéhovah vinn pli fort et sa faire nou reconnaissance pou la verité vinn pli solide. (Is. 65:13, 14) Pendant ki nou aide lezot pou grandi lor plan spirituel pou ki zot “pa faire partie dan le monde,” nou faire nou determination pou reste separé ar le monde vinn pli solide.—Jean 17:14, 16; Rom. 12:2.
3. Ki bann qualité nou ministere aide nou pou developpé, ek couma?
3 Kan nou participe dan predication, sa aide nou pou developpe bann qualité chretien. Par exemple, kan nou faire zeffort pou “vinn tou kitsoz pou tou sorte qualité dimoune,” sa aide nou pou developpe enn pli grand l’humilité. (1 Cor. 9:19-23) Kan nou koz avek bann ki “gagne maltraité ek [ki] senti-zot perdi pareil couma bann mouton ki pena berger,” sa aide nou pou comprend zot ek pou mette-nou dan zot place. (Mat. 9:36) Nou aprann ki été l’endurance kan nou perseveré malgré l’indifference ou-soit l’opposition bann dimoune. Nou la joie augmenté kan nou servi nou la vie pou aide lezot.—Actes 20:35.
4. Ki sentiment ou ena en rapport avek nou ministere?
4 Li vrai-mem enn grand benediction pou participe dan enn ministere ki loué sa sel Kikenn ki merite nou l’adoration-la! Nou ministere donne nou la force. Bann ki faire tou pou “rann temoignage a fond lor bon nouvelle,” gagne beaucoup benediction.—Actes 20:24.