Preché sans perdi le temps!
1. Ki conseil Paul inn donné ki nou bizin prend compte zordi?
1 “Preche la parole, pa arrete faire li.” (2 Tim. 4:2) Kifer li tellement important ki nou suive conseil Paul dan nou lepok? Ki l’effet sa parole-la kapav ena dan nou la vie ek dan la vie lezot dimoune?
2. Kifer nou faire bann grand zeffort pou rod bann ki pa finn tann koz lor la bonne nouvelle?
2 La vie bann dimoune en danger: Ena plusieurs million dimoune lor la terre ki encore bizin tann la bonne nouvelle ki pou kapav sauve zot. (Rom. 10:13-15; 1 Tim. 4:16) Beaucoup dimoune ki ena leker sincere habite dan bann territoire kot souvent nou preché. Si nou preche dan different jour, ou-soit dan different ler, kitfois nou pou trouve different dimoune. Kan nou faire bann grand zeffort pou rod bann dimoune coumsa, sa pou faire nou ena enn bon conscience, ek nou pa pou ena enn dette di-sang lor nou la tête.—Actes 20:26.
3. Couma nou kapav servi bien nou le temps dan nou ministere?
3 Dan premier siecle, bann chretien “[ti] rempli Jérusalem avek zot l’enseignement,” malgré ki zot ti bizin faire face avek enn l’opposition bien violent. (Actes 5:28) Eski nou aussi nou determiné pou “donne temoignage a fond”? (Actes 10:42) Kan nou dan ministere, eski nou servi bien nou le temps? Si nou bizin attann pendant ki lezot proclamateur pé faire zot nouvelle visite, eski nou profité pou koz avek bann passant?
4. Couma, kan nou preché sans perdi le temps, sa aide nou pou contigne veillé?
4 Nou bizin reste lor nou garde: Avek la fin sa systeme ki pé vini bien vite-la, nou bizin reste lor nou garde, setadir contigne veillé. (1 Thess. 5:1-6) Kan nou koz lor nou l’esperance concernant Royaume Bondié regulierement, nou pa laisse bann kitsoz ki ena dan sa le monde-la vinn enn poids pou nou. (Luc 21:34-36) Lerla, kan nou garde jour Jéhovah bien ‘dan nou l’esprit,’ sa pou pousse nou pou augmente nou participation dan l’activité predication ki sap la vie bann dimoune.—2 Pierre 3:11, 12.
5. Couma nou respé pou la vie pou motive nou dan nou ministere?
5 Kan nou preché sans perdi le temps, nou pou ena mem pensée ki Jéhovah lor vie: “Li pa envie ki personne detruire, mais Li envie ki tou dimoune repenti.” (2 Pierre 3:9; Ézék. 33:11) Anou bien decidé pou joinde autant dimoune ki possible dan nou territoire, ek coumsa nou pou loué Jéhovah!—Ps. 109:30.