Eski mo pou kapav?
1. Kifer fodé pa nou pensé ki nou pa assez qualifié pou preché?
1 Si sa finn deja arrivé ki ou finn pose ou-mem enn question coumsa, prend courage! C’est pa l’education ki nou’nn gagné dan lekol, ni bann capacité extraordinaire ki qualifié-nou couma bann ministre Bondié. Bann dimoune dan premier siecle ti decrire bann premier disciple couma “bann zom ordinaire ki pa ti ena grand l’instruction.” Malgré sa, parski zot ti bien determiné pou suive l’exemple ki Jésus ti laissé, zot ti bann proclamateur la bonne nouvelle ki ti bien efficace.—Actes 4:13; 1 Pierre 2:21.
2. Couma nou kapav decrire l’enseignement Jésus?
2 L’exemple Jésus: So l’enseignement ti simple, pratik ek facile pou comprend. Bann question ki li ti posé, bann l’exemple ek bann introduction bien simple ki li ti servi ti capté l’interet bann dimoune. (Mat. 6:26) Li ti montré enn l’interet sincere pou bann dimoune. (Mat. 14:14) En plus, Jésus ti koz avek l’assurance ek l’autorité, parski li ti koné ki c’est Jéhovah ki ti’nn donne li sa mission-la ek ti’nn donne li pouvoir pou faire sa travail-la.—Luc 4:18.
3. Couma Jéhovah aide nou pou accompli nou ministere?
3 Jéhovah aide nou: A travers so Parole ek so l’organisation, nou Grand Instructeur donne nou formation ki nou bizin pou nou preche la bonne nouvelle dan enn fason efficace. (Is. 54:13) Dan la Bible, Jéhovah ti preserve bann methode ki Jésus servi pou enseigné. Grace a sa, nou kapav analyse so bann methode ek nou kapav faire pareil couma li. Jéhovah donne nou so l’esprit saint ek forme nou a travers bann reunion congregation. (Jean 14:26) En plus, Li faire nou travail avek bann proclamateur ki ena l’experience ki kapav aide nou pou vinn pli efficace.
4. Ki bann raison nou ena pou nou senti-nou qualifié pou partage la bonne nouvelle avek lezot?
4 La Bible dire nou ki “c’est Bondié ki’nn donne nou nou capacité.” (2 Cor. 3:5) Alors nou ena bann raison pou nou senti-nou qualifié pou preché. Si nou compte lor Jéhovah ek nou contigne servi bien bann disposition ki Li’nn prend pou nou dan so l’amour, nou pou “bien qualifié, bien equipé pou tou bon travail.”—2 Tim. 3:17.