La Bible : une force dans votre vie

La Bible inn aide bann dimoune par million pou ameliore zot la vie. Ki certain principe la Bible si nou applik zot, pou aide nou pou surmonte bann probleme ki nou gagné zordi? Pena doute ki ou pou bien content pou trouve reponse sa question-la kan ou pou guette documentaire La Bible : une force dans votre vie. Li en deuxieme partie lor DVD La Bible : un livre historique et prophétique, ki en trois partie. Apré ki ou’nn guette sa video-la, eski ou kapav reponn sa bann question-la?

(1) Couma eski la Bible li plus ki zis enn extra bon livre ki’nn bien ecrire? (Héb. 4:12) (2) Si la Bible kapav aide bann dimoune pou ameliore zot la vie, alors kifer ena sa quantité probleme-la lor la terre? (3) Ki theme principal la Bible? (4) Ki bann verset la Bible ki’nn mentionné dan sa video-la, kapav aide bann couple marié pou (a) ameliore zot communication ek (b) controle zot caractere? (5) Couma eski fason ki enn chretien considere mariage kapav ameliore la vie famille? (Éph. 5:28, 29) (6) Couma eski Jéhovah finn laisse enn l’exemple parfait pou bann parent? (Marc 1:9-11) (7) Couma bann parent kapav rann l’etude familial interessant? (8) A part l’etude la Bible, ki kitsoz encore Parole Bondié encourage bann parent pou donne zot zenfant? (9) Couma eski conseil ki ena dan la Bible kapav aide bann famille pou faire face ar bann probleme economik? (10) Ki bann principe la Bible, kan nou applik zot, faire nou gagne moins probleme la santé dan bann domaine couma propté, abuse la drogue ek lalkol, ek stress? (11) Ki bann promesse ki ena dan la Bible kapav soutenir nou? (Job 33:25; Ps. 145:16) (12) Couma bann l’enseignement ki ena dan parole Bondié inn aide ou pou ameliore ou prop la vie? (13) Couma ou kapav servi sa video-la pou aide lezot?