La Bible : un livre historique et prophétique
DVD La Bible : un livre historique et prophétique, li en trois partie. Premier-la appel Le livre le plus ancien toujours d’actualité. Apré ki ou guette sa film-la, reponn sa bann question-la:
(1) Dan ki fason eski la Bible li en accord avek bann nouveau decouverte scientifik? (2) Couma nou kapav sur ki la Bible ki ena zordi li pa different avek seki ti ecrire dan l’original? (3) Cite enn aspect remarquable concernant bann ancien manuscrit biblik. (4) Dan ki fason John Wycliffe, Johannes Gutenberg, William Tyndale, John Hus, Martin Luther, Casiodoro de Reina, ek Charles Russell finn contribué pou ki partout dan le monde bann dimoune gagne Parole Bondié, ek couma l’eglise finn bien opposé-li ar la Bible? (5) Couma bann conseil pratik ki ena dan la Bible finn aide bann dimoune ki ena enn mauvais la santé (Ps. 34:8), bann ki esclave joué l’argent (1 Tim. 6:9, 10), bann couple ki’nn separé ou-soit kot enn conjoint inn commette l’immoralité (1 Cor. 13:4, 5; Éph. 5:28-33), ek bann ki rod zis bann richesse materiel (Mat. 16:26)? (6) Ki preuve nou ena ki montré ki kan nou mette en pratik bann principe ki ena dan la Bible, sa kapav aide nou pou pa ena la haine pou bann dimoune ki pa sorti dan mem pays ki nou, ki pa mem culture ou-soit mem race ki nou (Luc 10:27)? (7) Cite bann fason pou montré couma, kan ou finn applik bann principe biblik sa finn rann ou pli heureux? (8) Couma ou kapav servi sa video-la pou aide lezot?—Guette Ministère du Royaume février 2006, page 8.