Bann modele presentation
Pou commence bann l’etude la Bible premier samedi dan mois août
“Bann dimoune forme partie dan different religion ek zot adore Bondié dan beaucoup different fason. Dapré ou, ki Bondié pensé lor la? [Laisse dimoune-la reponn.] Guette seki Jésus ti enseigné lor sa sujet-la.” Donne dimoune-la enn copie La Tour de Garde 1er août ek apré examine ensam avek li seki ena enba premier sous-titre ki trouve lor page 16 ek au moins enn parmi bann verset ki’nn cité. Offert bann magazine, ek prend bann disposition pou retourné pou examine reponse prochain question.
La Tour de Garde 1er août
“Eski nou bizin enseigne bann zenfant lor Bondié kan zot encore tipti, ou-soit li pli bon ki nou attann ki zot inpé grand ek lerla laisse zot-mem choisir dan ki kitsoz zot pou croire? [Laisse dimoune-la reponn.] Guetté ki l’instruction la Bible donne bann papa. [Lire Éphésiens 6:4.] Sa magazine-la donne bann parent bann ti l’idée couma zot kapav enseigne zot zenfant lor Bondié.”
Réveillez-vous! Août
“Mo ti pou content gagne ou l’opinion lor sa verset-la. [Lire 1 Samuel 16:23.] Sa verset-la montré nou ki la musik ena enn pouvoir. Eski ou pensé ki certain chanté kapav ena enn mauvais l’influence lor nou? [Laisse dimoune-la reponn.] Sa magazine-la explik nou couma nou kapav bien choisir bann la musik ki nou ecouté ek li montré nou couma nou kapav aide nou bann zenfant aussi pou faire pareil.”