Bann Modele Presentation
Pou Commence Bann Letid la Bible Premier Samedi dan Mois Août
“Preské tou dimoune prié enn moment dan zot lavi. Mem bann dimoune ki pa croire dan Bondié inn deja prié kan zot ti dan probleme. Eski ou pensé ki Bondié ecoute tou bann la priere?” Laisse dimoune-la reponn. Montré dimoune-la dernier page La Tour de garde 1er Août, en Français. Examine ensam paragraphe ki ena enba premier question ek au moins enn verset ki’nn cité. Offert bann periodik ek faire l’arrangement pou retourné pou examine prochain question.
Note: Bizin faire sa demonstration-la pendant reunion service ki pou ena le 3 Août.
La Tour de Garde 1er Août
“Nou pé faire enn ti visite a cause nou trouvé ki beaucoup dimoune tracassé parski pornographie pé vinn enn kitsoz bien commun. Mais, beaucoup lezot dimoune pensé ki pornographie c’est enn distraction ki pa faire di-tort. Ki ou pensé lor la ou? [Laisse dimoune-la reponn.] Jésus ti dire ki nou pou koné si enn kitsoz bon ou-soit non par bann fruit ki li produire. [Lire Matthieu 7:17.] Sa magazine-la examine bann consequence pornographie. Li aussi donne bann conseil pratik couma enn dimoune kapav libere-li ar pornographie.”
Réveillez-vous! Août
“La plupart parmi nou envie vive pli longtemps possible. Eski ou pensé ki bann progré ki la science pé faire, enn jour pou kapav faire nou vive pou touletan? [Laisse dimoune-la reponn.] Guette sa promesse extraordinaire-la. [Lire 1 Corinthiens 15:26.] Mais couma Bondié pou faire sa—par la science ou-soit par lezot moyen? Ek kifer eski asterla nou vinn vié ek nou mor? Sa magazine-la montré couma la Bible reponn sa bann question-la.”