‘Ki nom Bondié sanctifié’
1. Ki theme l’assemblée circonscription pou l’année service 2012, ek lor ki li basé?
1 Porte nom le Roi l’univers, Jéhovah, sa li vrai-mem enn grand privilege! Bondié ena enn nom ki zis Li tousel ena. C’est Li-mem ki’nn donne nou so nom, surtout depuis l’année 1931 kot bann dimoune finn konn nou en tant ki bann Témoins de Jéhovah. (Is. 43:10) Jésus, sel Garson ki Bondié inn crée direct, ti montré ki li ti ena beaucoup respé pou sa nom-la. Couma li ti faire sa? Li ti cite li en premier dan la priere modele. (Mat. 6:9) Theme l’assemblée circonscription pou l’année service 2012 c’est: “Ki nom Bondié sanctifié” ek li basé lor la priere modele.
2. L’assemblée pou koz lor ki kitsoz?
2 Lor ki pou kozé: Samedi, pou ena enn discours ki pou expliké kifer kan nou prend service a plein temps nou gagne beaucoup satisfaction. So theme c’est: “ Faisons connaître le nom de Dieu grâce au service à plein temps. ” Nou pou ecoute aussi symposium “ Ne salissons pas le nom de Jéhovah. ” Sa symposium-la pou koz lor quatre piege ki Satan mette devant nou ek li pou aide nou pou pa tombe ladan. Discours “ Pourquoi le nom de Dieu doit-il être sanctifié ? ” pou reponn sa deux question-la: (1) Ki pou aide nou preche avek zele kan bann dimoune pa trop interessé ar la verité? (2) Ki pou aide nou pou preché dan enn fason efficace ek gagne bann bon resultat? Dimanche nou pou ecoute enn symposium en quatre partie. Sa symposium-la pou explik nou couma par nou parole, nou pensée, bann decision ki nou prend ek nou conduite, nou kapav sanctifié nom Bondié. Surement bann nouveau pou bien apprecié discours publik: “ Jéhovah sanctifiera son grand nom à Har–Maguédôn. ”
3. (a) Ki privilege nou ena? (b) Couma sa l’assemblée-la pou aide nou?
3 Bientot Jéhovah pou sanctifié so nom ki saint. (Ézék. 36:23) Mais avant ki sa arrivé, nou kapav soutenir tou seki sa nom-la impliké ek sa c’est vrai-mem enn grand privilege. Nou sur ki sa l’assemblée circonscription-la pou aide sakenn parmi nou pou accompli responsabilité important ki nou ena pou porte nom Bondié.