Question Ki’nn Soulevé

◼ Eski bizin faire la priere kan pé faire enn l’etude devant la porte enn dimoune?

Ena beaucoup l’avantage kan nou commence ek termine enn l’etude la Bible par la priere. Kan nou prié, nou demann Jéhovah so l’esprit saint pendant sa discussion-la. (Luc 11:13) Kan nou prié nou montré aussi nou etudiant ki so l’etude la Bible li enn kitsoz ki bien serieux ek nou montré li couma prié. (Luc 6:40) Alors, li bon ki nou commence prié avek nou etudiant pli vite possible. Mais tou situation pa pareil. Alors, proclamateur-la bizin servi so bon jugement pou decidé si li pou faire la priere kan li pé faire enn l’etude devant la porte enn dimoune.

Enn kitsoz ki li bon nou prend en consideration, c’est place kot nou pé faire sa l’etude-la. Si nou pé faire l’etude dan enn place kot pena beaucoup dimoune, nou kapav faire enn la priere bien courte avant ek apré l’etude. Mais si nou rann nou compte ki sa pou attire l’attention bann dimoune ou-soit pou mette nou etudiant mal a l’aise, ki nou pou faire? Kitfois li pou pli bon ki nou attann ziska ki nou faire l’etude dan enn l’endroit pli trankil. N’importe kot-sa nou faire enn l’etude la Bible, nou bizin servi nou bon jugement pou decidé si nou pou faire la priere ou-soit non.​—Guette Ministere du Royaume mars 2005, page 4.