Eski ou pé aprann tou seki ou kapav ar Jéhovah?

1. Ki Jéhovah pensé lor l’enseignement?

¹ Jéhovah, nou “Grand Instructeur,” envie ki tou so bann serviteur vinn bann dimoune ki’nn finn enseigné par Li. (Is. 30:20) Li ti commence enseigné apré creation so Garson premier-né. (Jean 8:28) Apré rebellion Adam, Jéhovah pa ti arrete enseigne so bann creature, mais avek amour, Li ti enseigne bann dimoune imparfait.​—Is. 48:17, 18; 2 Tim. 3:14, 15.

2. Ki programme l’enseignement ena dan nou lepok?

² Zordi, Jéhovah pé dirige pli grand programme l’enseignement ki finn ena dan l’histoire l’humanité. Pareil couma Isaïe ti prophetisé, plusieurs million dimoune a travers le monde pé monte vers “montagne lakaz Jéhovah,” enn montagne symbolik. (Is. 2:2) Kifer zot pé monte la-bas? Pou aprann bann fason ki Jéhovah agir, oui, pou laisse Jéhovah enseigne zot! (Is. 2:3) Pendant l’année service 2010, bann Témoins de Jéhovah ti passe plus ki 1,6 milliard l’heure pou rann temoignage ek pou enseigne bann dimoune bann verité ki ena dan la Bible. En plus, chaque semaine, dan plus ki 105,000 congregation a travers le monde, nou gagne enn l’instruction spirituel. Ek l’esclave fidele et avisé produire bann publication biblik dan plus ki 500 langue.

3. Couma ou-mem ou finn gagne bann bienfait ar l’enseignement Jéhovah?

³ Profite bien: Nou finn gagne bann grand bienfait ar l’enseignement Jéhovah, pa vrai? Nou finn aprann ki Bondié ena enn nom ek ki Li interessé ar nou. (Ps. 83:18; 1 Pierre 5:6, 7) Nou finn aussi gagne bann reponse pou bann question ki pli important dan la vie, couma par exemple: Kifer bann dimoune souffert ek mort? Couma mo kapav trouve vrai bonheur? Eski la vie ena enn but? Jéhovah finn aussi donne nou enn direction lor plan moral ki permette nou ‘reussi dan seki nou faire.’​—Jos. 1:8.

4. Ki bann formation ki disponible pou bann serviteur Bondié, ek kifer nou bizin aprann tou seki nou kapav ar Jéhovah?

⁴ En plus, Jéhovah finn dirige so l’organisation pou etabli different lekol pou aide beaucoup parmi so bann serviteur pou faire plus dan zot service pou Li. Lor page 4-6, ena enn la liste bann lekol ki certain kapav suive pou zot servi Jéhovah plus. Mem si nou situation empeche nou pou gagne bann formation ki mentionné dan sa la liste-la, eski nou pé profite maximum l’enseignement ki Jéhovah donne nou ek ki nou situation permette nou pou gagné? Zordi, alors ki bann professeur ek lezot dimoune pé encourage bann jeune pou faire bann pli grand l’etude dan le monde, eski nou, nou pé encourage zot pou fixé bann l’objectif spirituel ek pou rod gagne pli bon l’enseignement ki ena, setadir l’enseignement Jéhovah? Kan nou aprann tou seki nou kapav ar Jéhovah, sa pou aide nou pou ena enn la vie heureux asterla ek pou touletan dan l’avenir.​—Ps. 119:105; Jean 17:3.

Certain lekol ki disponible dan l’organisation Jéhovah

Cours pou aprann lire ek ecrire

• L’objectif: Pou montré bann dimoune lire ek ecrire pou zot kapav lire ek etudié la Bible ek pou zot enseigne lezot la verité.

• Duré: Dapré situation.

• L’endroit: Dan la Salle du Royaume.

• Kisannla ki kapav assisté: Tou bann proclamateur ek bann dimoune interessé.

• Couma pou inscrire: Bann ancien organise bann cours pou aprann lire ek ecrire dapré bann besoin ki ena dan congregation, ek zot encourage tou bann ki kapav tire profit pou assisté sa cours-la.

Lekol ministere theocratik

• L’objectif: Pou forme bann proclamateur pou zot kapav vinn efficace ek enseigne bien la bonne nouvelle.

• Duré: Chaque semaine.

• L’endroit: Dan la Salle du Royaume.

• Kisannla ki kapav participé: Tou bann proclamateur. Lezot ki frequente la congregation, ki accepté bann l’enseignement la Bible ek ki vive en accord avek bann principe chretien kapav aussi participé.

• Couma pou inscrire: Koz avek surveillant Lekol.

Bann cours pou aprann enn lot langue

• L’objectif: Pou montré bann proclamateur couma pou preche la bonne nouvelle dan enn lot langue.

• Duré: Quatre ou cinq mois. Sa bann cours-la faire normalement dan samedi gramatin pendant enn ou deux heure temps.

• L’endroit: En general, faire sa dan enn la Salle du Royaume ki pré.

• Kisannla ki kapav participé: Bann proclamateur ki ena enn bon reputation, ki envie preche dan enn lot langue.

• Couma pou inscrire: La filiale organise bann cours dapré bann besoin.

Construction bann la Salle du Royaume

• L’objectif: Pou construire ek pou faire renovation bann la Salle du Royaume. C’est pa enn lekol, mais grace a sa disposition-la bann volontaire aprann different travail pou ki zot kapav donne coude-main dan bann projet construction.

• Duré: Dapré possibilité volontaire-la.

• L’endroit: Tou bann l’endroit ki enn Comité construction regional en charge. Kapav demann certain volontaire pou al aidé dan bann l’endroit ki loin ek kot bizin secours, apré enn catastrophe.

• Qualification: Bann frere ek soeur baptisé, ki college ancien recommandé. Zot kapav konn enn metier ou-soit non.

• Couma pou inscrire: Rempli form Questionnaire pour les volontaires (S-82). Kapav gagne sa avek bann ancien.

Lekol pionnier

• L’objectif: Pou aide bann pionnier pou ‘accompli zot ministere a fond.’​—2 Tim. 4:5.

• Duré: Deux semaine.

• L’endroit: C’est la filiale ki decidé; souvent faire sa dan enn la Salle du Royaume ki pré.

• Qualification: Bann ki pionnier permanent depuis au moins enn an.

• Couma pou inscrire: Bann pionnier ki qualifié, zot nom lor enn la liste ek surveillant circonscription faire zot koné.

Lekol pou bann nouveau Béthélite

• L’objectif: L’objectif sa Lekol-la c’est pou aide bann nouveau Béthélite pou reussi zot service dan Béthel.

• Duré: Enn heure temps chaque semaine pendant seize semaine.

• L’endroit: Béthel.

• Qualification: Li bizin enn membre permanent dan la famille Béthel ou-soit enn volontaire temporaire ki dan Béthel pou enn an ou-soit plus.

• Couma pou inscrire: Bann Béthélite ki qualifié zot lor enn la liste.

Lekol ministere du Royaume

• L’objectif: Pou forme bann ancien ek bann assistant ministeriel pou prend bien soin congregation ek pou assume bien zot responsabilité dan l’organisation. (Actes 20:28) Faire sa Lekol-la kan College central decidé, toulé deux-trois l’année.

• Duré: Dan bann dernier l’année, sa finn duré pendant enn jour et demi pou bann ancien ek enn jour pou bann assistant ministeriel.

• L’endroit: Souvent faire sa Lekol-la dan enn la Salle du Royaume ou-soit enn la Salle l’assemblée ki pré.

• Qualification: Zot bizin bann ancien ou-soit bann assistant ministeriel.

• Couma pou inscrire: Surveillant circonscription invite bann ancien ek bann assistant ministeriel ki qualifié.

Lekol pou bann anciena

• L’objectif: Pou aide bann ancien pou bien rempli zot responsabilité dan congregation.

• Duré: Cinq jour.

• L’endroit: C’est la filiale ki decidé; souvent faire sa dan enn la Salle du Royaume ou-soit enn la Salle l’assemblée ki pré.

• Qualification: Zot bizin bann ancien.

• Couma pou inscrire: La filiale invite bann ancien ki qualifié.

Lekol pou bann surveillant circonscription ek bann surveillant district ek zot madameb

• L’objectif: Pou permette bann surveillant circonscription ek surveillant district pou servi bann congregation dan enn fason pli efficace ek pou “travail dur dan parole ek dan l’enseignement” ek pou prend soin bann ki enba zot responsabilité.​—1 Tim. 5:17; 1 Pierre 5:2, 3.

• Duré: Deux mois.

• L’endroit: C’est la filiale ki decidé kot pou faire sa Lekol-la.

• Qualification: Zot bizin bann surveillant circonscription ou-soit bann surveillant district.

• Couma pou inscrire: La filiale invite bann surveillant circonscription ek bann surveillant district ek zot madame.

Lekol biblik pou bann frere celibatairec

• L’objectif: Pou prepare bann ancien ek bann assistant ministeriel ki pa marié pou prend plus responsabilité. La plupart bann ki gagne zot diplome, al servi kot ena besoin dan zot prop pays. Certain kapav gagne enn affectation pou al servi dan enn lot pays, si zot volontaire.

• Duré: Deux mois.

• L’endroit: C’est la filiale ki decidé kot pou faire sa Lekol-la; souvent faire sa dan enn la Salle du Royaume ou-soit dan enn la Salle l’assemblée.

• Qualification: Bann frere celibataire ki ena entre 23 an ek 62 an, ki ena enn bon la santé, ki envie servi bann frere ek mette bann l’interet Royaume Bondié en premier partout kot ena enn besoin. (Marc 10:29, 30) Zot bizin inn servi pendant au moins deux an a suive couma enn ancien ou-soit enn assistant ministeriel.

• Couma pou inscrire: Pendant l’assemblée circonscription, la filiale organise enn reunion pou bann ki interessé. Ou pou gagne plus renseignement pendant sa reunion-la.

Lekol biblik pou bann couple chretiend

• L’objectif: Pou donne bann couple enn formation special pou ki Jéhovah ek so l’organisation kapav servi zot pli bien. La plupart bann diplomé pou gagne enn affectation pou al servi kot ena besoin dan zot prop pays. Certain kapav gagne affectation pou al servi dan enn lot pays, si zot volontaire.

• Duré: Deux mois.

• L’endroit: Bann premier classe pé faire dan centre l’enseignement bann Témoins de Jéhovah dan Patterson, New York, l’Amérique. Plitar, sa Lekol-la pou faire dan lezot l’endroit kot la filiale pou decidé, en general dan enn la Salle l’assemblée ou-soit dan enn la Salle du Royaume.

• Qualification: Bann couple marié ki ena entre 25 an ek 50 an, ki ena enn bon la santé ek ki ena possibilité pou servi kot ena besoin ek ki sans hesité dire: “Ala mo la! Envoye moi.” (Is. 6:8) En plus, zot bizin marié pendant au moins deux an ek dan service a plein-temps pendant au moins deux an sans ki zot inn arreté.

• Couma pou inscrire: Pendant l’assemblée special enn jour, la filiale organise enn reunion pou bann ki interessé. Ou pou gagne plus renseignement pendant sa reunion-la.

Lekol biblik Guiléad

• L’objectif: Pou forme bann pionnier ek lezot serviteur a plein-temps pou faire service missionnaire.

• Duré: Cinq mois.

• L’endroit: Centre l’enseignement bann Témoins de Jéhovah dan Patterson, New York, l’Amérique.

• Qualification: Bann couple ki baptisé depuis trois an ek ki ena entre 21 ek 38 an kan zot envoye zot premier application. Zot bizin konn koz anglais, marié depuis au moins deux an ek dan service a plein-temps depuis au moins deux an sans ki zot inn arreté. Bann ki faire application bizin ena enn bon la santé. Bann pionnier ki pé servi dan enn lot pays (parmi ena aussi bann missionnaire ki pa finn suive sa Lekol-la); bann surveillant circonscription ek surveillant district; bann Béthélite; bann ki’nn diplomé dan Lekol formation ministeriel, Lekol biblik pou bann frere celibataire ek Lekol biblik pou bann couple chretien, kapav aussi inscrire-zot si zot rempli bann condition.

• Couma pou inscrire: Certain filiale organise enn reunion pou bann ki interessé pou suive sa Lekol-la, dan l’assemblée district. Ou pou gagne plus renseignement pendant sa reunion-la. Si pena sa reunion-la dan bann l’assemblée ki faire dan ou pays, ek ou ti pou content inscrire-ou, ou kapav ecrire la filiale pou gagne plus renseignement.

Lekol pou bann membre comité filiale ek zot madame

• L’objectif: Pou aide bann ki pé servi en tant ki membre comité filiale pou dirige bien bann l’activité ki faire dan enn Béthel, pou occupe l’activité predication dan bann congregation, ek pou occupe bann circonscription ek bann district ki dan zot territoire. Zot dirige aussi service traduction, l’imprimerie, ek expedition bann publication ek zot dirige different departement dan Béthel.​—Luc 12:48b.

• Duré: Deux mois.

• L’endroit: Centre l’enseignement bann Témoins de Jéhovah dan Patterson, New York, l’Amérique.

• Qualification: Bann membre comité filiale ou-soit bann membre comité pays, ou-soit bann ki pou gagne sa responsabilité-la apré ki zot inn assisté sa Lekol-la.

• Couma pou inscrire: College central invite bann frere ek zot madame.

[Note]