Bann modele presentation
Pou commence bann l’etude la Bible premier samedi dan mois janvier
“Certain dimoune croire ki la Bible c’est enn livre prophetik lor ki zot kapav compté. Lezot pensé ki la Bible finn predire enn quantité kitsoz ki flou ek ki kapav interpreté dan plusieurs fason. Ou ki ou pensé?” Laisse dimoune-la reponn. Apré sa, donne dimoune-la enn copie La Tour de Garde 1er janvier, ek guette paragraphe ki trouve enba premier sous-titre lor page 16 ek lire au moins enn verset la Bible. Offert bann periodik ek faire bann l’arrangement pou retourné pou examine reponse prochain question.
La Tour de Garde 1er janvier
“Nou kapav tire beaucoup leson ar bann zom ek bann femme bien important dan l’Histoire. Ki ou pensé? [Laisse dimoune-la reponn.] Sa verset-la koz lor enn grand dimoune, sel kikenn ki la Bible appel ‘camarade Bondié.’ [Lire Jacques 2:23.] Sa magazine-la expliké kifer Bondié ti considere li couma so camarade ek li koz lor seki nou kapav aprann ar l’exemple Abraham.”
Réveillez-vous! Janvier
“Donne gouss, donne enn bribe, ek lezot action malhonnete finn vinn bien commun zordi dan le monde business. Certain pensé ki nou bizin inpé malhonnete dan business pou kapav reussi dan la vie. Ou ki ou pensé? [Laisse dimoune-la reponn.] Remark sa proverbe ki faire reflechi-la. [Lire Proverbes 20:17.] Sa magazine-la expliké kifer li bon ki nou honnete.”